ავტორი:

"ერთ ლამაზ, წვიმიან საღამოს მივხვდი, როგორ ძალიან მიყვარდა..." - გრიგოლ გეგელია დაქორწინდა

"ერთ ლამაზ, წვიმიან საღამოს მივხვდი, როგორ ძალიან მიყვარდა..." - გრიგოლ გეგელია დაქორწინდა

პოლიტიკის ისტორიკოსი გრიგოლ გეგელია დაქორწინდა. ამასთან დაკავშირებით ისტორიკოსი სოციალურ ქსელში წერს და ფოტოებსაც აქვეყნებს. გრიგოლ გეგელიას რჩეული სალომე კანდელაკია.

"ერთმანეთი სრულიად შემთხვევით გავიცანით ოთხი წლის წინ. მე იტალიაში ვცხოვრობდი, ის საქართველოში. წარმოდგენაც კი არ მქონდა, რა მელოდა რამდენიმე დღით სამშობლოში დაბრუნებულს. მაგრამ ერთ ლამაზ, წვიმიან საღამოს მივხვდი, როგორ ძალიან მიყვარდა. მას მერე სულ მიყვარს. ერთად გავიარეთ ათასი სიგიჟე, სირთულე, გამოწვევა, მრავალი ლხინი. არასდროს, წამით არ დაგვიხევია უკან. ჩვენი მედგარი სიჯიუტით ვებრძვით ხოლმე ჯერ ერთმანეთს და მერე ყველა გამოწვევას. რა გადარეულებიც ჩვენ ვართ, ასეთივე გადარეულ ტემპში გამოვიარეთ გზა ნიქოზის საკათედრო ტაძრიდან თბილისამდე, სადაც საკუთარ ხელმოწერაზე ვაგვიანებდით და რომ არა იუსტიციის სახლის ბრწყინვალე წარმომადგენლის კეთილშობილება, ჯერაც არ გვექნებოდა ხელი მოწერილი. მაგრამ, ცხადია, ასე უნდა ყოფილიყო, რადგან ჩვენ ასეთი ვართ და სხვაგვარად წარმოუდგენელია.

ვმადლობ განგებას ამ დიდი საჩუქრისთვის!" - წერს გრიგოლ გეგელია.

სალომე კანდელაკის მეჯვარე გაერო-ში საქართველოს ახალგაზრდობის ყოფილი წარმომადგენელი თათია დოლიძეა, რომელიც წყვილს გაბედნიერებას საჯარო პოსტით ულოცავს და ფოტოებს აქვეყნებს.

"სათამაშო აპარატებზე ბოლო ჯეკპოტად თვითმკვლელის თოკი "ჯდება"... ხმა უნდა ამოვიღოთ" - ეროვნული ბიბლიოთეკა აზარტული თამაშების წინააღმდეგ

"ხედავდით ჩემს განადგურებულ თვალებს და მაინც გაგვწირეთ რამდენიმეთვიანი ტანჯვისთვის" - ახალგაზრდა ქალი ექიმის შეცდომაზე ვრცელ პოსტს წერს

დღის ფოტო : ჩირის "ფარდებით" მორთული სახლები სამეგრელოში