„ვარდისფერი ოქტომბერი“  - როგორ დავიზღვიოთ თავი ძუძუს კიბოსგან

ყოველ წელს, შემოდგომის ამ დროს, მთელი მსოფლიო ძუძუს კიბოს შესახებ ცნობიერების ასამაღლებლად ერთიანდება, საჯარო შენობები ვარდისფრად ნათდება, იმართება მსვლელობები და საინფორმაციო ღონისძიებები. ძუძუს კიბოს შესახებ მეტი ინფორმაციის გაცემის, მასზე სტერეოტიპების დამსხვრევისა და ქალებზე ზრუნვისთვის „ვარდისფერ ოქტომბერს“ უწოდებენ.

ბევრი ქალი, ვისაც ძუძუს კიბოს დიაგნოზი დაუსვეს, ამბობს, რომ ისურვებდნენ, დიაგნოზის დასმამდე, მისი პრევენციის შესახებ მეტი ინფორმაცია ჰქონოდათ. მედიკოსები ირწმუნებიან, რომ დაავადების დროულად აღმოჩენის შემთხვევაში, ძუძუს კიბოსგან სამუდამოდ თავის დაღწევა შესაძლებელია. მთავარია, პაციენტმა მკურნალობის სათანადო კურსი გაიაროს.

ძუძუს კიბოს რისკ ჯგუფს, ძირითადად, 35-დან 60 წლამდე ასაკის ქალები მიეკუთვნებიან, ამიტომ ნებისმიერი მამოლოგი თუ გინეკოლოგი აუცილებლად გეტყვით, რომ სკრინინგის პერიოდულად ჩატარება და ხშირი დიაგნოსტირება ამ ასაკის ქალებში აუცილებელია.

გამოცდილი მამოლოგები, რომლებიც ძუძუს კიბოს დამარცხების არაერთ ისტორიას ჰყვებიან, აცხადებენ, რომ დღეს, დაავადება საკმაოდ გავრცელებულია - საქართველოში, საშუალოდ, 10 000 ქალიდან 50 სწორედ ძუძუს კიბოს ებრძვის.

ქართველი ექიმების რეკომენდაციები და მსოფლიოში ძუძუს კიბოს პრევენციისა და დიაგნოსტიკის დანერგილი ეფექტური გზების ჩამონათვალი ასე გამოიყურება:

• საქართველოში 2005 წლიდან მოქმედებს სკრინინგ-პროგრამა, რომელიც 40 წლიდან 70 წლამდე ქალებისთვის უფასოა. შესაბამისად, ამ ასაკის ყველა ქალს აქვს საშუალება, სარძევე ჯირკვლის რენტგენოლოგიური გამოკვლევა სრულიად უფასოდ ჩაიტაროს. მამოლოგები, დევნილთა, შრომის, ჯანმრთელობისა და სოციალური დაცვის სამინისტრო და გაერო ამ შესაძლებლობის გამოყენებას გვირჩევენ
• პროგრამაში ჩართვის შესაძლებლობა იმას არ ნიშნავს, რომ მამოლოგს გადამოწმებისთვის 40 წლის ასაკამდე არ უნდა მივაკითხოთ. უნდა გავითვალისწინოთ, რომ 35 წლის ასაკის შემდეგ, სპეციალისტთან ყოველწლიურად ვიზიტი ბევრი უსიამოვნებისგან დაგვიცავს
• სასურველია, ყოველი მენსტრუალური ციკლის დასრულების შემდეგ, თვითგადასინჯვა ერთსა და იმავე დროს ჩავიტაროთ. თუ სიმკვრივე ან ძუძუს დეფორმაცია შევნიშნეთ, სპეციალისტთან ვიზიტი არ უნდა გადავდოთ
• უნდა ვეცადოთ, ჯანსაღი ცხოვრების წესი ჩვენს ყოველდღიურობად ვაქციოთ.

• ძუძუს კიბოს მკურნალობასთან დაკავშირებული მაღალი ხარჯების გამო, მსოფლიოს განვითარებულ ქვეყნებში ჯანმრთელობის კრიტიკული დაავადებებისგან დაზღვევა პოპულარობით სარგებლობს. სერვისი უკვე საქართველოშიც ხელმისაწვდომია და კიბოს აღმოჩენის შემთხვევაში, დიდ ფინანსურ ხარჯებთან გამკლავებაში გვეხმარება. პრევენციისა და დაავადებასთან ეფექტურად ბრძოლის მიზნით, სასურველია, მსგავს დაზღვევას მივმართოთ.

მიუხედავად იმისა, რომ სკრინინგის საშუალებით, რამდენიმე ტიპის სიმსივნის დიაგნოსტირება წარმატებით ხორციელდება, შემდეგი მკურნალობის ხარჯები ხშირ შემთხვევაში, ძალიან მაღალია და მათ ვერც სახელმწიფო დაზღვევა და ვერც სადაზღვევო კომპანიების სტანდარტული ნაკრებები ვერ ფარავს. ხანდახან სიტუაციას ართულებს ისიც, რომ შესაძლოა, დიაგნოზი სწორად ვერ დაისვას. საზღვარგარეთ კვალიფიციური სპეციალისტების მოძიება, ჩასვლა და გადამოწმება კი საკმაოდ დიდ ფინანსებთანაა დაკავშირებული, რომლის უზრუნველყოფაც ბევრ ჩვენგანს არ შეუძლია. რთულია, ასეთ შემთხვევაში გამოსავალი იპოვო, თუმცა პაციენტთა ნაწილს, ამაში ჯანმრთელობის კრიტიკული დაავადებებისგან დაზღვევა ანუ ექსტრა ჯანმრთელობის დაზღვევა ეხმარება.

ოპტიმისტური განწყობის შენარჩუნება ყოველთვის მნიშვნელოვანია, მაგრამ არანაკლებ მნიშვნელოვანია მზადყოფნაც – თუნდაც, ფინანსური. მნიშვნელოვანია, იცოდე, რომ თუ რისკ ჯგუფში აღმოჩნდი ამისთვის ფინანსურად მზად ხარ. ამას კი ზემოთ აღნიშნული დაზღვევა უზრუნველყოფს.

როგორ უნდა დავაზღვიოთ ჯანმრთელობა კრიტიკული დაავადებებისგან, კონკრეტულად კი ძუძუს კიბოსგან?

რამდენიმე თვის წინ, საქართველოში „თიბისი დაზღვევის“ ჯანმრთელობის ექსტრა დაზღვევა შეიქმნა, რომელიც საზღვარგარეთ ნებისმიერი დაავადების გადამოწმებას უფასოდ და ულიმიტოდ გვთავაზობს. დიაგნოზის დადასტურების შემთხვევაში, ექსტრა დაზღვევით სარგებლობისას, შეგვიძლია, ხარჯების ანაზღაურებას არა მკურნალობის თითოეულ ნაბიჯზე ველოდოთ, არამედ, ერთიანად მივიღოთ დაზღვევის პირობებით გათვალისწინებული თანხა 25 000-დან 150 000 ლარამდე და ჩვენი საჭიროებისამებრ დავხარჯოთ ის.

დაზღვევის აღნიშნული პირობები განვითარებულ ქვეყნებში საკმაოდ პოპულარულია, რადგან მასში ოჯახის წევრების ჩართვაც შესაძლებელია. საქართველოში ექსტრა დაზღვევის შეძენისთანავე 1-დან 18 წლამდე შვილებიც ავტომატურად, უფასოდ ისარგებლებენ იმ სერვისებით, რასაც მათი მშობლები მიიღებენ. ეს დამატებით დაცულობის შეგრძნებას იძლევა, რადგან რა ტიპის გაუთვალისწინებელი ხარჯიც არ უნდა გამოუჩნდეს ოჯახს, ის ამისთვის ყოველთვის მზად იქნება.

თუ პაციენტმა ანალიზების პასუხების უცხოეთში გადამოწმება ან მკურნალობის კურსის საქართველოს ფარგლებს გარეთ გავლა გადაწყვიტა, ხშირ შემთხვევაში, უწევს შუამავალი ორგანიზაციის ან პირის მოძებნა, რომელიც სანდო სამედიცინო დაწესებულებას შეარჩევს. აღნიშნული პროცესი პაციენტისთვის დამატებით ხარჯებთან არის დაკავშირებული, ექსტრა დაზღვევაში კი ეს საკითხიც გათვალისწინებულია. უფრო კონკრეტულად, პაციენტის სურვილის შემთხვევაში, „თიბისი დაზღვევა“ აკავშირებს მას მსოფლიოს ისეთ წამყვან კლინიკებთან, როგორიცაა Harvard Medical School, Kings Collage London და ა.შ.

„თიბისი დაზღვევის“ წარმომადგენლების მიერ შერჩეულ კლინიკებთან თანამშრომლობით, პაციენტი იღებს მაღალი ხარისხის სამედიცინო მომსახურებას და ამავდროულად, ზოგავს შუამავალი ორგანიზაციისთვის განკუთვნილ ხარჯებს. თანამშრომლობა გულისხმობს როგორც მკურნალობის დაგეგმვას, ისე კლინიკაში განთავსებას.

დაბინძურებული საკვებისა და გარემოს, შინაგანი სტრესისა და ნერვიულობის, ჰორმონალური დარღვევების, ადრეული მენსტრუალური ციკლის, გვიან მშობიარობის, ლაქტაციის პერიოდის არქონის, გვიანდელი მენოპაუზისა თუ სხვა ფაქტორების გამო, ძუძუს კიბოს რისკ ჯგუფში ბევრი ქალია, თუმცა მასთან ბრძოლა და მისი პრევენცია არასდროს ყოფილა ისეთი ეფექტური, როგორც დღეს, რადგან შესაძლებელია მკურნალობის მაღალ ხარჯებსაც მომზადებული შეხვდე.