ორი მონაზონი დაორსულდა - კათოლიკურმა ეკლესიამ გამოძიება დაიწყო

ორი მისიონერი მონაზონის დაორსულების გამო კათოლიკურმა ეკლესიამ გამოძიება დაიწყო. „დეილი მეილის“ ინფორმაციით, მონაზვნები აფრიკაში მუშაობდნენ.

მათ მოსთხოვეს, რელიგიური ცხოვრება შეწყვიტონ, სკანდალმა სამღვდელოებაში დიდი ვნებათაღელვა გამოიწვია.

ერთ-ერთმა მათგანმა, რომელიც იტალიელია, მუცლის ტკივილის გამო საავადმყოფოს მიაკითხა, სადაც ფეხმძიმობა დაუდგინეს. ის პალერმოში გაემგზავრა და ბავშვის გასაჩენად ემზადება.

მეორე მონაზონი კი მადაგასკარიდან არის, ორსულობა მანაც რამდენიმე კვირის შემდეგ შეიტყო.

„გამოძიება დაწყებულია. ორივე მათგანმა დაარღვია მკაცრად დადგენილი უმანკოების წესი, თუმცა მათი შვილების კეთილდღეობა ყველაზე მნიშვნელოვანია,“ - განაცხადა კათოლიკური ეკლესიის წარმომადგენელმა.