ავტორი:

კარგი საკრედიტო ქულით დაბალი საპროცენტო განაკვეთის მიღება შესაძლებელია -  რას ნიშნავს საკრედიტო ქულა და კიდევ რა სარგებელი შეგიძლიათ მიიღოთ

კარგი საკრედიტო ქულით დაბალი საპროცენტო განაკვეთის მიღება შესაძლებელია -  რას ნიშნავს საკრედიტო ქულა და კიდევ რა სარგებელი შეგიძლიათ მიიღოთ

თუ თქვენ ბანკთან ერთხელ მაინც გქონიათ შეხება, მაშინ გეცოდინებათ, რამხელა მნიშვნელობა აქვს კარგ საკრედიტო ისტორიასა და საკრედიტო ქულას. სწორედ ამიტომ მასზე ისევე უნდა იზრუნოთ, როგორც მართვის მოწმობის ქულებზე ან პასპორტის გვერდების წარმატებით შევსებაზე. ფილმებში ალბათ გინახავთ კიდეც, როგორ ამაყობენ ადამიანები კარგი საკრედიტო ქულით. ეს ტენდენცია ეტაპობრივად საქართველოშიც მკვიდრდება, თუმცა ამ დროისთვის საკითხის ცნობადობა ფართო საზოგადოებაში დიდი მაინც არ არის. საქართველოში არსებობს ერთი საკრედიტო ბიურო “კრედიტინფო საქართველო“, რომელიც საკრედიტო ისტორიის შედგენის, საკრედიტო ქულის გამოთვლისა და მინიჭების სისტემას ფლობს. ის ეროვნული ბანკის მიერ არის დარეგულირებული და ნებისმიერი საკრედიტო ორგანიზაცია ვალდებულია, ბიუროს მიაწოდოს საკრედიტო ინფორმაცია.

რა არის საკრედიტო ისტორია?

საკრედიტო ისტორია მოიცავს ინფორმაციას ნებისმიერი საკრედიტო ხელშეკრულების შესახებ, რომელსაც მოქალაქე ფინანსურ ორგანიზაციასთან აფორმებს და ის “კრედიტინფო საქართველოს“ მიეწოდება. კრედიტინფოს ბაზაში შეგროვებულია ინფორმაცია ქვეყანაში გაცემული ნებისმიერი სესხის შესახებ, რომელიც არის 3 მილიონ ლარამდე. საკრედიტო ისტორია მოიცავს საბაზისო პირად მონაცემებს, გაცემული სესხის შესახებ დეტალებს, გადახდების ისტორიას, ვადაგადაცილებებს, ჯარიმებს...

საკრედიტო ისტორიაში მონაცემები ინახება 5 წელი, მიუხედავადა იმისა, ეს არის ვადაგადაცილებული კონტრაქტი, თუ დარღვევების და გადაცილებების გარეშე შესრულებული.

რა არის საკრედიტო ქულა?

საკრედიტო ისტორია საინტერესო მონაცემებს მოიცავს, თუმცა ეს არ არის საკმარისი ფინანსური ორგანიზაციის მხრიდან სწორი გათვლების გასაკეთებლად. სწორედ ამიტომ „კრედიტინფო“ სტატისტიკურად ამუშავებს საკრედიტო ისტორიის ყველა მონაცემს და ადგენს რეიტინგს, თითოეულ ადამიანს ანიჭებს ქულას 0-დან 400-მდე. საკრედიტო ქულა კი თავის მხრივ 11 რეიტინგად იყოფა.

საკრედიტო ქულა იძლევა ვალდებულებების შეუსრულებლობის ალბათობისა და გადაუხდელობის რისკის შეფასების საშუალებას. ეს ინდიკატორი ეხმარება საკრედიტო ორგანიზაციას, განსაზღვროს ადამიანი როგორი გადამხდელია.

საკრედიტო ქულის გამოთვლაში 40-ზე მეტი ცვლადი მონაწილეობს. გადახდების ისტორია ქულის განმსაზღვრელი ერთ-ერთი მთავარი კრიტერიუმია, თუმცა არ არის გარანტია, რომ კარგი გადახდების შემთხვევაში აუცილებლად მაღალი ქულა გექნებათ, ვინაიდან საკრედიტო ქულაზე ბევრი სხვა ფაქტორი ახდენს გავლენას:

  • გადახდების ისტორია
  • ჯარიმა და ვადაგადაცილება
  • ვალდებულებების მოცულობა
  • სესხის უზრუნველყოფა
  • საკრედიტო ისტორიის ხანგრძლივობა
  • საბანკო პროდუქტების მოხმარების სიხშირე
  • გამოყენებული სასესხო პროდუქტების ტიპები
  • ფინანსური ორგანიზაციების მხრიდან ძიებები (საკუთარი თავის ძიება და ისტორიის შემოწმება რეიტინგზე გავლენას არ ახდენს) და სხვ.

რა სარგებელს მივიღებ, თუ მაღალი სარეიტინგო ქულა მექნება?

კარგი საკრედიტო ქულა მართლაც საამაყოა. ბევრმა, ალბათ, არც იცის, რომ ის დროისა და ენერგიის, რაც მთავარია, ფინანსების დაზოგვაში გეხმარებათ.

  • ზოგიერთი სასესხო პროდუქტის საპროცენტო განაკვეთი პირდაპირ კავშირშია საკრედიტო ქულასთან. ასეთებია - განვადება, მცირე და სამომხმარებლო სესხები და სხვ. ამგვარად, თუ კარგი რეიტინგი გაქვთ, დიდია ალბათობა, რომ ბანკისგან სესხს კარგი პირობებით მიიღებთ. ამისთვის კი აუცილებელია, რომ „ჩემი კრედიტ ინფოში“ წინასწარ ნახოთ თქვენი საკრედიტო ქულა.
  • დაბალი საპროცენტო განაკვეთის პარალელურად, მაღალი სარეიტინგო ქულით თქვენ შეიძლება მიიღოთ შეღავათი საკომისიოზე, სწრაფი პასუხი განაცხადზე, ნაკლები საგირავნო მოთხოვნა და კიდევ არაერთი სარგებელი.
  • სესხის დამტკიცებისას საკრედიტო ორგანიზაციები სხვა ფაქტორებსაც ითვალისწინებენ. მაგალითად, მათთვის მნიშვნელოვანია შემოსავლის ოდენობა. მაღალი საკრედიტო ქულა არ იძლევა სესხის დამტკიცების აბსოლუტურ გარანტიას, მაგრამ კარგი ქულა და რეიტინგი მნიშვნელოვანწილად შეგიწყობთ ხელს საკრედიტო მომსახურების კარგი პირობებით მიღებაში. კარგი საკრედიტო ქულა სესხის მიღების გარანტი არაა, მაგრამ ის თავდაჯერებულად მოქმედების საშუალებას იძლევა.წინასწარ დამტკიცებული სესხებისა და განვადების მიღება მაღალი საკრედიტო ქულით ბევრად მარტივია. ორგანიზაციები გარკვეული პერიოდულობით ნახულობენ თავიანთი მომხმარებლების საკრედიტო ისტორიას, გადახდებსა თუ სხვა საკრედიტო ქცევებს და ამ ინფორმაციაზე დაყრდნობით აწესებენ წინასწარ დამტკიცებულ სასესხო ლიმიტებს, რომლის გამოყენებაც მომხმარებელს ნებისმიერ დროს შეუძლ
  • როგორც წესი მომხმარებელი ბანკში დამფრთხალი მიდის და თავში მუდმივად უტრიალებს კითხვები, დამიმტკიცებენ სესხს, რამდენ პროცენტში მომცემენ... ამ დროს კი აუცილებელია, იცოდეთ, რომ მაღალი საკრედიტო ქულით ამ კითხვებზე ნერვიულობით თავი აღარ უნდა შეიწუხოთ. ბანკები თვითონვე ეძებენ მაღალი სარეიტინგო ქულის მქონე მომხმარებლებს და შეგიძლიათ, მათთან ძალიან თავდაჯერებული მიხვიდეთ. იცოდეთ, რომ ისინი არაერთ დათმობაზე შეიძლება წამოვიდნენ.

თითოეული ამ სარგებლის მისაღებად აუცილებელია, რომ წინასწარ გადაამოწმოთ საკრედიტო ქულა „ჩემი კრედიტინფოს“ მეშვეობით. ეს ორმაგ სარგებელს მოგიტანთ. პირველ რიგში, დაზღვეული იქნებით, რომ ხშირი გადამოწმება ქულას არ დაგიწევთ, რადგან მასზე ნეგატიურად მოქმედებს ფინანსური ორგანიზაციების მიერ გადამოწმება, საკუთარი ქულის შემოწმება კი ქულაზე გავლენას არ ახდენს.. სწორედ ამიტომ არის მნიშვნელოვანი, რომ თავადვე გადაამოწმოთ ქულა და შეცდომის აღმოჩენის შემთხვევაში ბანკში მისვლამდე გაასწორებინოთ ის. მეორე მხრივ კი, შეიძლება ვერანაირი სარგებელი ვერ მიიღოთ, თუ ამ შესაძლებლობის შესახებ არ გეცოდინებათ. ამიტომ გადაამოწმეთ პირველმა საკუთარი საკრედიტო ქულა, ეცადეთ მაქსიმალურად გაზარდოთ ის და მომზადებული მიდით ბანკში ფინანსური შეთანხმების გასაფორმებლად.

Georgia Real Estate Holding-მა საერთო სამუშაო სივრცე m2 Collective გახსნა

„მე უკვე ვგეგმავ აქ დაბრუნებას, რათა უფრო მეტი ვნახო“ - Traveller-ის ჟურნალისტი ბათუმზე

„თეთრი და შავი პური“, რომელს აქვს სასარგებლო თვისებები და რომელი უნდა გამოვიყენოთ დიეტების, ანუ სწორი კვების დროს