ავტორი:

ქორწილში მიმავალი ქალები და ბავშვები აფეთქებამ იმსხვერპლა - ავღანეთში გარდაცვლილებს შორის ორი ჩვილია

ქორწილში მიმავალი ქალები და ბავშვები აფეთქებამ იმსხვერპლა - ავღანეთში გარდაცვლილებს შორის ორი ჩვილია

ავღანეთის ჩრდილოეთით, გზაზე დამონტაჟებული ბომბის აფეთქების შედეგად სატრანსპორტო საშუალებაში მყოფი სულ მცირე, 15 ადამიანი გარდაიცვალა - Associated Press წერს, რომ მსხვერპლთა შორის ექვსი ქალი, ექვსი პატარა გოგონა და ორი ჩვილია. ისინი ქორწილში მიდიოდნენ. გარდაცვლილია მძღოლიც. შს სამინისტროს წარმომადგენლის, ნასრათ რაჰიმის თქმით, კუნდუზის პროვინციაში მომხდარი აფეთქების შედეგად, ასევე, დაშავდა ორი ადამიანი.

რამდენიმე საათის შემდეგ კიდევ ერთი აფეთქება მოხდა, გარდაიცვალა პოლიციელი. შს სამინისტროს ინფორმაციით, სამართალდამცველებმა გააჩერეს ავტომობილი, რომლითაც დაუდგენელ პირებს ასაფეთქებელი მოწყობილობა გადაჰქონდათ. მანქანაში მსხდომებმა პოლიციას ცეცხლი გაუხსნეს, შემდეგ კი თავად მოშორებით გაიქცნენ და ასაფეთქებელი მოწყობილობა დისტანციურად აამოქმედეს.

ავღანეთის შინაგან საქმეთა სამინისტრო ორივე თავდასხმაში თალიბანს ადანაშაულებს. ორგანიზაცია ქვეყნის ნახევარზე მეტს აკონტროლებს, თითქმის ყოველდღიურად ახორციელებს თავდასხმებს, რომლის სამიზნე შეიარაღებული ძალები და მთავრობის წევრები არიან, თუმცა ძალიან ხშირად თავდასხმებს ჩვეულერბივი მოქალაქეებიც ეწირებიან.

აშშ-სა და თალიბანს შორის მშვიდობიანი მოლაპარაკებები სექტემბერში ჩაიშალა.

რუსეთში ავტობუსის მდინარეში გადავარდნის შედეგად დაღუპულთა რაოდენობა 19-მდე გაიზარდა

აშშ-ში ავიაკატასტროფის შედეგად 9 ადამიანი დაიღუპა, მათ შორის 2 ბავშვი

ლეონარდო დიკაპრიო ბრაზილიის პრეზიდენტს პასუხობს