ღონისძიება, რომელიც მშობლებმა და ბავშვებმა არ უნდა გამოტოვონ - სკოლების გამოფენა "ექსპო ჯორჯიაში"

6-7 დეკემბერს "ექსპო ჯორჯიას" მე-11 პავილიონში სკოლების გამოფენა გაიმართება, სადაც გაეცნობით კერძო სკოლებსა და ბაღებს, ენის ცენტრებს, სპორტულ სკოლებს, გასართობ ცენტრებს, სახელოვნებო წრეებს და ა.შ.

გამოფენა სანტერესო იქნება როგორც მშობლებისთვის, ასევე ბავშვებისთვის.

ორი დღის განმავლობაში მშობლებისთვის და მასწავლებლებისთვის გაიმართება პრეზენტაციები და სემინარები:

• სკოლების ზოგადი პრეზენტაციები
• შეფასებისა და გამოცდების ეროვნული ცენტრის პრეზენტაციები - „საერთაშორისო გამოცდები“, „შეფასება განვითარებისთვის“ და „საერთაშორისო შეფასებები/კვლევები“.
• ნეიროფსიქოლოგ ნანა მარგველაშვილის საჯარო ლექცები: „როგორ შევაქოთ და გავამხნევოთ ბავშვები“ და „ჭარბი სტრესი და ბავშვების განვითარება“.

გამოფენაზე ბავშვებს შეეძლებათ ნამდვილი ექსპერიმენტების ჩატარება. სკოლების გამოფენაზე მოეწყობა პლანეტარიუმი, სადაც ბავშვები გაეცნობიან მზის სისტემას - პლანეტებს, ასტეროიდებს, კომეტებს და მზეს და თითოეულის ბუნებას, გალაქტიკას - გაიგებენ გალაქტიკის მახასიათებლებზე, დიდ თუ მცირე ვარსკვლავებზე, ვარსკვლავების დაბადებასა და გაქრობაზე.ბავშვებს ექნებათ შესაძლებლობა, ცოტა ხნით იყვნენ “არქეოლოგები” და აღმოაჩინონ ნივთები.

ვიზიტორებს სტენდებთან დახვდებათ სახელოვნებო ვორქშოფები ხატვასა და ძერწვაში. ასევე, გაიმართება სპორტული შეჯიბრებები ფეხბურთსა და კალათბურთში.