Stamba Books • სტამბის წიგნებში გილიან ფლინის "ბასრი საგნების" წარდგენა გაიმართება

13 დეკემბერს 18:30 საათზე Stamba Books • სტამბის წიგნები-ში "ტოპ თრილერის" ახალი წიგნის, გილიან ფლინის "ბასრი საგნების" წარდგენა გაიმართება.

წიგნს ტელეწამყვანი, ალექსანდრე ლორთქიფანიძე წარადგენს.

ფსიქოლოგიური თრილერის მიხედვით, 2018 წელს HBO-მ ამავე სახელწოდების სერიალი გადაიღო, სადაც მთავარ როლს ცნობილი მსახიობი, ემი ადამსი ასრულებს.

წიგნის სიუჟეტი კამილას შესახებ მოგვითხრობს, რომელიც არასდროს საუბრობდა საკუთარ წარსულზე, მის მშობლებზე და ძმაზე, თუმცა მშობლიურ ქალაქში დაბრუნებისას ძველ სახლში დარჩენა მოუწევს და გადარჩენისთვის საკუთარ წარსულში, აწმყოსა და მომავალში გარკვევა დასჭირდება.

ღონისძიებაზე მისული სტუმრები წიგნის შეძენას 20%-იანი ფასდაკლებით შეძლებენ.