"წამლავენ ადამიანებს იმისთვის, რომ ხელისუფლებაში მოვიდნენ" - სოფო კილაძე პარლამენტში მომხდარ ინციდენტზე
ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, სოფო კილაძე ამბობს, რომ პარლამენტის სხდომათა დარბაზში გაურკვეველი ნივთიერების დასხმის შედეგად შეუძლოდ 4 ადამიანი გახდა, მათგან ორი დეპუტატი და ორი აპარატის თანამშრომელია.
კილაძის ინფორმაციით, აპარატის ერთი თანამშრომელი, რომელიც ქალია, სასწრაფო დახმარების სამსახურის თანამშრომლებმა კლინიკაში უკვე გადაიყვანეს.
„მე ვიყავი დარბაზში. სამწუხაროდ, ვერაფრის დანახვა ვერ მოვასწარი. სამართლებრივ შეფასებას სამართალდამცავები გააკეთებენ, მაგრამ პოლიტიკური შეფასება შემიძლია ვთქვა, ესენი რა ტერორისტებიც იყვნენ თავის დროზე, იმ ტერორიზმს აგრძელებენ. ეს არის „ნაციონალური მოძრაობის“ სახე.
შემოდიან, წამლავენ ადამიანებს იმისთვის, რომ ხელისუფლებაში მოვიდნენ.
ეს ნორმალური საქციელია, ადამიანური და პოლიტიკური საქციელია?! ძალიან სამწუხაროა, რომ კიდევ ერთხელ გამოაჩინეს თავისი სახე და მოახერხეს და დააშავეს ადამიანები,“ - განაცხადა კილაძემ.
"ქვეყნებში, რომლებთანაც ტურიზმზე მოლაპარაკებები დასრულებული გვქონდა, მდგომარეობა გაუარესდა და გვითხრეს, რომ დაველოდოთ", - გახარია
LIVE: "360 გრადუსი" - აკაკი ბობოხიძე; დავით ბერძენიშვილი
