თურქეთიდან გასაყიდად შემოტანილ კარტოფილში მავნე ორგანიზმები აღმოაჩინეს

შემოსავლების სამსახურის ინფორმაციით, საბაჟო გამშვებ პუნქტში „სარფში“ შემოტანილ კარტოფილში მავნე ორგანიზმები აღმოაჩინეს.

როგორც ფინანსთა სამინისტროს შემოსავლების სამსახურში აცხადებენ, თურქეთის მხრიდან შემოტანილი, 49 ტონა სასურსათო კარტოფილი ფიტოსანიტარიული სასაზღვრო კონტროლის ფარგლებში, საკარანტინო მავნე ორგანიზმებზე ლაბორატორიულ კვლევას დაექვემდებარა.

კვლევის შედეგად, პროდუქტში საკარანტინო ობიექტის, კარტოფილის რგოლური სიდამპლის (Clavibacter Michiganensis Subsp. Sepedonicus) არსებობა დადასტურდა.

კარტოფილის რგოლურ სიდამპლეს, ანუ რგოლურ ჭკნობას, იწვევს ბაქტერია.

უწყების ინფორმაციით, აღნიშნული ტვირთი, უკან, ექსპორტიორ ქვეყანაში გააბრუნეს.