ქართველმა დიზაინერმა, ნინა ზარქუამ დაბადების დღე „კათარზისში“ გადაიხადა

ნინა ზარქუა ქართველი დიზაინერი და ბრენდის - "Nina Zarqua collection“ დამფუძნებელია. ნინა კრეატიული იდეებით გამოირჩევა და, შესაბამისად, წელს, დაბადების დღე „კათარზისში“ გადაიხადა. ამ ორიგინალურ ღონისძიებას სათნოების სახლის 300 ბენეფიციარი დაესწრო, რომელთათვის პოპულარულმა მომღერლებმა ყველასათვის საყვარელი ქართული სიმღერები შეასრულეს.

სხვათა შორის, ნინა პირველი ქართველი დიზაინერია, რომელმაც დაბადების დღე ძვირადღირებულ რესტორანში კი არა, არამედ, სათნოების სახლში გადაიხდა და ხანდაზმულ ადამიანებს დაუვიწყარი საღამო აჩუქა. ზოგადად, ხანდაზმულ ადამიანებთან ურთიერთობა განსაკუთრებული სიამოვნებაა. ამიტომ, ნინამ საკუთარ თავს ამ ნაბიჯით, მართლაც, უნიკალური და შესანიშნავი საჩუქარი გაუკეთა.

."ნინიმ სიყვარული და იმედი გვაჩუქა,“ - ამბობდნენ წვეულების შემდეგ "კათარზისის" ბენიფიცარები.

აქვე, გეტყვით, რომ ნინა ზარქუას სახელი დიდი ხანია, გასცდა საქართველოს ფარგლებს. ასე, მაგალითად, ამას წინათ, მუსიკალურ ფესტივალზე - „Coachella Valley Music and Arts“ ცნობილ ამერიკელ ტოპ-მოდელ კენდალ ჯენერის სწორედ ნინის შექმნილი ბრჭყვიალა ფეხსაცმელი ეცვა. ნიშანდობლივია, რომ ნინის დამზადებული კოლექცია ჩინეთის 18 მაღაზიაში იყიდება.