გადაიღე ფოტო და დაისვენე 3 დღით ბაკურიანში - „მანნამ“ ახალი კამპანია დაიწყო

გადაიღე ფოტო, მიიღე კონკურსში მონაწილეობა, გაიმარჯვე და დაისვენე საშობაოდ ბაკურიანში - ეს ქართული ჩაის მწარმოებელი კომპანია „მანნა“-ს ახალი კამპანიის - „მანნა-ხე შენი ჩაი და გეტყვი ვინ ხარ შენ“ ნაწილია. ამ კამპანიის ფარგლებში კომპანია მომხმარებელს კიდევ ბევრ სიურპრიზს უმზადებს.

კონკურსის წესის მიხედვით აუცილებელია ფოტოზე ფიგურირებდეს „მანნა“- ს ჩაი და იგრძნობოდეს საახალწლო განწყობა, ფოტო უნდა გაიგზავნოს „მანნას“ „ფეისბუქ“ გვერდზე, პირად შეტყობინებაში, საიდანაც აიტვირთება სპეციალურად საახალწლო ფოტო კონკურსისთვის შექმნილ ალბომში. კონკურში გაიმარჯვებს ფოტო, რომელიც ყველაზე მეტ მოწონებას დააგროვებს. გამარჯვებული გამოვლინდება 31 დეკემბერს და გადაეცემა 2 კაციანი საგზური 6-7-8 იანვარს 5 ვარსკვლავიან სასტუმროში - „ბაკურიანი ინნ“.

რადგან კომპანიისთვის პირველია მსგავსი ტიპის ღონისძიება, გვსურს მომხმარებელს კარგი საჩუქარი გავუკეთოთ. ვფიქრობთ, ჩვენი საკონკურსო ალბომი ლამაზი ფოტოებით შეივსება, რასაც ხელს უწყობს „მანნა“-ს ჩაის გამორჩეული შეფუთვა და საახალწლო ფონი.

„მომავალში კი, ამ კამპანიის ფარგლებში მომხმარებელს კიდევ ბევრ სიურპრიზს ვუმზადებთ. კამპანიის მთავარი დანიშნულებაა, რომ ადამიანებმა მეტი ინფორმაცია მიიღონ ქართული ჩაის შესახებ“, - განაცხადეს „მანნაში“.

შეგახსენებთ, ჩაის გადამამუშავებელი საწარმო „მანნა“ სოფელ საგურამოში 2017 წლის ივლისში გაიხსნა. თავდაპირველად კომპანია 4 სახეობის ჩაის აწარმოებდა. ორწლიანი მუშაობის შემდეგ ასორტიმენტი 12 სახეობამდე გაიზარდა. დღეს „მანნას“ ბრენდით ბაზარზე გამოდის: კლასიკური მწვანე და შავი ჩაი, შავი ჩაი ბეგქონდარით, მწვანე ჩაი პიტნით (ერთჯერადი და დასაყენებელი); შავი ჩაი მოცვის ფოთლით და შავი ჩაი ასკილით, შავი ჩაი ლიმონით და მწვანე ჩაი ლიმონით.

„მანნას“ პროდუქცია წარმოდგენილია საქართველოს თითქმის ყველა სუპერმარკეტებისა და ჰიპერმარკეტების ქსელში, ასევე სხვადასხვა სასტუმროებსა და კაფე-ბარებში. „მანნას“ ჩაის დაგემოვნება მომხმარებელს აღმოსავლეთ ევროპის 4 ქვეყანაში - ჩეხეთში, სლოვაკეთში, პოლონეთსა და ლატვიაში შეუძლია, ექსპორტზე მოლაპარაკებები მიმდინარეობს გერმანიასთან, უკრაინასთან, საუდის არაბეთთან, აშშ-სთან და ბელარუსთან.

„მანნა“ საინვესტიციო კომპანია „სინერჯი კაპიტალის“ პორტფელური კომპანიაა.