ავტორი:

იტალიაში ტურისტების ჯგუფს ავტომანქანა დაეჯახა, რა დროსაც 6 ადამიანი დაიღუპა

იტალიაში ტურისტების ჯგუფს ავტომანქანა დაეჯახა, რა დროსაც 6 ადამიანი დაიღუპა

იტალიის ქალაქ ლუგატოში, რომელიც ავსტრიის საზღვართან მდებარეობს, ავტომანქანა გერმანელი ტურისტების 17 კაციან ჯგუფში შევარდა. „დოიჩე ველეს“ ინფორმაციით, მომხდარის გამო ექვსი ადამიანი დაიღუპა, თერთმეტი მათგანი კი დაშავდა, რომლებიც სამხრეთ ტიროლის რეგიონის საავადმყოფოებში გადაიყვანეს.

სამი დაშავებულის მდგომარეობა მძიმეა. ერთ-ერთი პაციენტი სანიტარული ავიაციის გამოყენებით, ქალაქ ინსბრუკში გადაიყვანეს.

იტალიური მედიის ინფორმაციით, ავტომანქანის საჭეს პროვინცია ბოლჩანოს მკვიდრი, 28 წლის მამაკაცი მართავდა, რომელსაც, წინასწარი მონაცემებით, სისხლში ალკოჰოლის საკმაოდ გადაჭარბებული რაოდენობა დაუდგინდა. მომხდარის შედეგად ისიც დაშავდა და საავადმყოფოში შესაბამის დახმარებას უწევენ.

პოლიციის ინფორმაციით, იმის გამო, რომ ტურისტული ჯგუფის წევრების უმეტესობა ერთმანეთს არ იცნობდა და თან არ ჰქონდათ პირადობის დამადასტურებელი საბუთები, გარდაცვლილთა იდენტიფიცირება გაძნელდა.

პოლიციის ვერსიით, მომხდარი უბედური შემთხვევაა.

ირანელი გენერლის ყასემ სულეიმანის ქალაქ აჰვაზში გადასვენებას ათასობით ადამიანი დაესწრო

ხალიფა ჰაფტარი - ჩვენ ვიღებთ გამოწვევას და ვაცხადებთ ჯიჰადს

"თუ ირანი ამერიკელებს დაესხმება თავს, 52 ირანულ სამიზნეს ძალიან ძლიერად დავარტყამთ" - როგორ ემუქრებიან ერთმანეთს ტრამპი და ირანელი ლიდერები