"ავიაკატასტროფის ადგილას ნაპოვნია ჩანაწერი..." - რუსი ბლოგერი წერს, რომ უკრაინული თვითმფრინავის მგზავრთა დიდი ნაწილი სტუდენტები იყვნენ

უკრაინული გამოცემა Корреспондент.net იმ უკრაინელების სახელებსა და გვარებს აქვეყნებს, რომლებიც ირანში ავიაკატასტროფის შედეგად დაიღუპნენ.

დაღუპული ეკიპაჟის წევრები იყვნენ: სერგეი ხომენკო, კატერინა სტატნიკი, მარინა მიკიტიუკი, ვალერია ოვჩარუკი, ვლადიმერ გაპონენკო, იულია სოლოგუ, ალექსეი ნაუმნიკი, იგორ მატკოვი, დენის ლიხნო. კატასტროფას ასევე ემსხვერპლა ორი უკრაინელი მგზავრი: ოლგა კობიუკი და ალიონა მალახოვა.

უკრაინული გამოცემის ინფორმაციით, მზადყოფნაშია ორი თვითმფრინავი, რომლებიც ირანში დაღუპულების ცხედრების გადმოსასვენებლად ჩაფრინდებიან.

Aviation Newsroom-ის ინფორმაციით, ტრაგედიისას გარდაცვლილი ეკიპაჟის ყველა წევრი უკრაინის მოქალაქეა, 71 მგზავრი ირანის მოქალაქე, 73 - კანადის, 4 - გერმანიის, 3- დიდი ბრიტანეთის, 8 - შვედეთის და 6 - ავღანეთის.

<blockquote class="twitter-tweet" data-lang="en"><p lang="en" dir="ltr">first video of the crash scene.<a href="https://twitter.com/hashtag/ukraine?src=hash&amp;ref_src=twsrc%5Etfw">#ukraine</a><a href="https://twitter.com/hashtag/ps752?src=hash&amp;ref_src=twsrc%5Etfw">#ps752</a> <a href="https://t.co/riUDistyrc">pic.twitter.com/riUDistyrc</a></p>&mdash; Arshia (@ars__hii) <a href="https://twitter.com/ars__hii/status/1214768543318888449?ref_src=twsrc%5Etfw">January 8, 2020</a></blockquote>

Корреспондент.net-ის სტატიაში ასევე ვკითხულობთ, რომ უკვე გამოქვეყნდა დაღუპულ მგზავრთა სიაც, რომლის მიხედვითაც კანადის მოქალაქეთა დიდ ნაწილს არაბული სახელები და გვარები აქვთ. სავარაუდოდ, ისინი ეროვნებით არაბები არიან, თუმცა კანადაში ცხოვრობდნენ.

რუსი ბლოგერი რუსტემ ადაგამოვი, რომელიც სოციალურ ქსელში ცნობილია სახელით drugoi, "ტვიტერის" საკუთარ გვერდზე აქვეყნებს ფოტოს, რომელზეც მისი თქმით, ავიაკატასტროფაში დაღუპული ბიჭის წერილია ასახული.

<blockquote class="twitter-tweet" data-lang="en"><p lang="ru" dir="ltr">✈️ Найденная записка на месте катастрофы: иранский студент просит Бога помочь ему с экзаменами, к которым он так долго готовился.<br><br>Большинство граждан Канады на борту были студентами, которые выбрали МАУ из-за низких цен. Они возвращались домой после рождественских каникул. <a href="https://t.co/ImZg8Gc3pH">pic.twitter.com/ImZg8Gc3pH</a></p>&mdash; Roustem Adagamov (@adagamov) <a href="https://twitter.com/adagamov/status/1214813703872405505?ref_src=twsrc%5Etfw">January 8, 2020</a></blockquote>

"კატასტროფის ადგილას ნაპოვნია ჩანაწერი: მასში ირანელი სტუდენტი ღმერთს სთხოვს დახმარებას გამოცდების ჩაბარებაში, რომლისთვისაც დიდხანს ემზადებოდა...

კანადის მოქალაქეთა უდიდესი ნაწილი, რომლებიც ბორტზე იმყოფებოდნენ, სტუდენტები იყვნენ, რომლებმაც უკრაინის ავიახაზები დაბალი ფასების გამო აირჩიეს. ისინი ირანიდან მიფრინავდნენ საახალწლო არდადეგების შემდეგ" - წერს რუსი ბლოგერი.

ირანში უკრაინის საელჩომ განაცხადა, რომ ავიაკატასტროფის მიზეზი ძრავის ტექნიკური გაუმართაობა გახდა, თუმცა უკრაინის საერთაშორისო ავიახაზებში ამბობენ, რომ ბოინგმა ტექნიკური შემოწმება ორი დღით ადრე გაიარა.