ავტორი:

გარდაცვლილი და გონდაკარგული ადამიანები ქუჩებში - ფოტოები უხანიდან, სადაც კორონავირუსი მძვინვარებს

გარდაცვლილი და გონდაკარგული ადამიანები ქუჩებში - ფოტოები  უხანიდან, სადაც კორონავირუსი მძვინვარებს

ჩინეთში ახალი კორონავირუსით გარდაცვალების 25 შემთხვევაა დადასტურებული, დაინფიცირებულთა რაოდენობამ კი - 830-ს მიაღწია, - ამის შესახებ ქვეყნის ჯანდაცვის ეროვნულმა კომისიამ განაცხადა.

განსაკუთრებით რთული ვითარებაა ქალაქ უხანში, რომელიც ინფექციის გავრცელების კერაა - სწორედ ამ ქალაქში გამოვლინდა ვირუსის პირველი შემთხვევა.(გაფრთხილება: მასალა შეიცავს მძიმე ფოტოებს).

უცხოური მედიასაშუალებები ქალაქიდან შემზარავ ფოტოებს ავრცელებენ, რომლებზეც აღბეჭდილია ვირუსის გამო ქუჩებში გარდაცვლილი და გონებადაკარგული ადამიანები.

გამოცემა The Sun წერს, რომ მედიკოსები ქუჩებში გარდაცვლილ ადამიანებს პოულობენ და ისინი პროზექტურაში გადაჰყავთ.

ექიმები ვირუსის გამო გონდაკარგული ადამიანის შველას ცდილობენ

the Sun წერს, რომ ამ ფოტოზე ვირუსით გარდაცვლილი ადამიანია აღბეჭდილი

რიგი უხანის ერთ-ერთ კლინიკაში

სასწრაფო სამედიცინო დახმარების ექიმებს სპეციალური დამცავი ნიღბები უკეთიათ და შესაბამისი სამოსი აცვიათ.

BBC-ის ცნობით, ჩინეთის ქალაქებში აფთიაქებთან კილომეტრიანი რიგებია. აფთიაქების უმეტეს ნაწილში კი დეფიციტია მედიკამენტებზე და ასევე სამედიცინო ნიღბებზე.

რიგი აფთიაქთან

ჯანდაცვის მსოფლიო ორგანიზაციამ ორდღიანი მსჯელობის შემდეგ ჩინეთში საგანგებო მდგომარეობა გამოაცხადა, თუმცა ორგანიზაციის შეფასებით, ეპიდემიის გავრცელების გამო საგანგებო მდგომარეობის საერთაშორისო დონეზე გამოცხადება „ძალიან ადრეა.“

შეგახსენებთ, გუშინ ქალაქი უხანის 11 მილიონიან მოსახლეობას მთავრობამ რეკომენდაცია მისცა „განსაკუთრებული მიზეზის“ გარეშე ქალაქი არ დატოვონ. შეზღუდვები დაწესდა ქალაქ ხუანგანში შესვლასა და გადაადგილებაზეც.

ასეა ჩაკეტილი ქალაქის ყველა გასასვლელი

დაუდგენელი კორონავირუსი 12-დან 29 დეკემბრის პერიოდში ჩინეთში, ჰუბეის პროვინციის ქალაქ უხანში გამოვლინდა. მიიჩნევენ, რომ მისი წყარო ქალაქში არსებული ცხოველების ბაზარია. ვირუსი ჰაერწვეთოვანი გზით ვრცელდება. მისი სიმპტომებია ცხელება, სუნთქვის გაძნელება და ხველა.

ჩინელი ქალის ჩანაწერები უხანიდან - როგორ ცხოვრობენ ქალაქში, სადაც კარანტინის შემდეგ, სიჩუმემ და შიშმა დაისადგურა

ავსტრალიაში, კანბერას რეგიონში ბოლო 20 წლის განმავლობაში ყველაზე ძლიერი ხანძარი მძვინვარებს - "სტიქია შესაძლოა უკონტროლო გახდეს"

ჩინეთის საგარეო საქმეთა მინისტრი - ეროვნებით ჩინელებს, რომლებიც უცხო ქვეყნის მოქალაქეების ოჯახის წევრები არიან, შეუძლიათ უხანიდან საევაკუაციო თვითმფრინავებით გაფრინდნენ