ფოტოები თურქეთის პროვინციიდან, სადაც დამანგრეველმა მიწისძვრამ 40-ზე მეტი ადამიანი იმსხვერპლა

თურქეთში, ელიაზიგის პროვინციაში 24 იანვარს მომხდარ მიწისძვრას ბოლო ცნობებით, 40-ზე მეტი ადამიანი ემსხვერპლა. დაშავებულთა რიცხვი კი 1600-ს აღემატება. მაშველები ნანგრევებში მოყოლილი მოსახლეობის გადარჩენას ამ დრომდე აგრძელებენ.

მიწისქვეშა ბიძგების სიმძლავრემ 6.8 მაგნიტუდა შეადგინა. ბიძგები ქვეყნის სხვადასხვა რეგიონის გარდა, თურქეთის მეზობელ ქვეყნებშიც იგრძნობოდა. მიწისძვრის გამო, ბევრი ოჯახი იძულებული გახდა, ღამე ქუჩაში გაეთენებინა.

მომდევნო დღეს, მიწისძვრის შედეგად დაზარალებული რეგიონი ქვეყნის პრეზიდენტმა რეჯეფ თაიფ ერდოღანმა მოინახულა. ქვეყნის პირველი პირის განცხადებით, ხელისუფლება ყველა ზომას მიიღებს, რათა მიწისძვრის შედეგად დაზარალებულებს სამედიცინო დახმარება აღმოუჩინონ და მოქალაქეების უსაფრთხოება უზრუნველყონ. პრეზიდენტმა ასევე მიწისძვრის შედეგად დაღუპულთა ოჯახებსა და ახლობლებს მიუსამძიმრა.

ეს ფოტოები დამანგრეველი მიწისძვრის სიმძიმეს ასახავს: