ჩინეთში კორონავირუსით დაავადებულთათვის ახალ საავადმყოფოს 10 დღეში ააშენებენ
ჩინეთის ქალაქ უხანში კორონავირუსით დაავადებულთთათვის 1 000 პაციენტზე გათვლილ საავადმყოფოს 10 დღეში ააშენებენ.
როგორც სააგენტო "როიტერსი“ წერს, მობილიზებულია შესაბამისი ტექნიკა. ამ ეტაპზე მშენებლობის დასაწყებად მოსამზადებელი სამუშაოები მიმდინარეობს, ჩინელები გეგმავენ, რომ საავადმყოფო მაქსიმალურად სწრაფად ააშენონ და 10 თებერვლამდე პაციენტების მიღება შეძლონ.
ადგილობრივი ხელისუფლების ცნობით, ეს იქნება ასაწყობი შენობა, რომლის აგებაც მართალია სწრაფადაა შესაძლებელი, მაგრამ ამავდროულად, ძალიან ძვირი ჯდება. მედიასაშუალებები ავრცელებენ კადრებს, თუ როგორ მუშაობს ათობით ბულდოზერი მშენებლობის ადგილას.
როგორც france24 წერს, ჩინელები საავადმყოფოს აშენებას 10 დღეში გეგმავენ.
კორონავირუსი ჩინეთში, ჰუბეის პროვინციის ქალაქ უხანში, დეკემბერში გამოვლინდა. მიიჩნევენ, რომ მისი წყარო ქალაქში არსებული ზღვის პროდუქტების ბაზარია. დეკემბრიდან დღემდე ვირუსი სხვა ქვეყნებშიც გავრცელდა.
ამ ეტაპზე, ვირუსის შემთხვევები შემდეგ ქვეყნებშია გამოვლენილი:
- ჩინეთი: 2 079 დადასტურებული შემთხვევა;
- ტაილნადი: 8 დადასტურებული შემთხვევა;
- აშშ: 5 დადასტურებული შემთხვევა;
- ავსტრალია: 5 დადასტურებული შემთხვევა;
- იაპონია: 4 დადასტურებული შემთხვევა;
- ტაივანი: 4 დადასტურებული შემთხვევა;
- მალაიზია: 4 დადასტურებული შემთხვევა;
- სინგაპური: 4 დადასტურებული შემთხვევა;
- სამხრეთ კორეა: 4 დადასტურებული შემთხვევა;
- საფრანგეთი: 3 დადასტურებული შემთხვევა;
- ვიეტნამი: 2 დადასტურებული შემთხვევა;
- ნეპალი: 1 დადასტურებული შემთხვევა;
- კანადა 1 სავარაუდო შემთხვევა.
ამ დროისთვის კორონავირუსით 80 ადამიანია დაღუპული.
"რუსები კლავენ უკრაინელებს უკრაინაში, ქართველებს საქართველოში, მაგრამ მათ იყიდეს მთელი ასამბლეა და აი, რატომ არ წერია ეს სიტყვები დოკუმენტში" - უკრაინელი დეპუტატი
უახლესი მონაცემები კორონავირუსის შესახებ - "ვირუსის წინააღმდეგ საბრძოლველად მთელი მსოფლიო ფხიზლად უნდა იყოს"
