ჯანეტ ქერდიყოშვილს და ნოე სულაბერიძეს გოგონა შეეძინათ

"მის საქართველო" ჯანეტ ქერდიყოშვილი და ტელეწამყვანი ნოე სულაბერიძე ქალიშვილის მშობლები გახდნენ. წყვილის პირველი შვილი 27 იანვარს დაიბადა.

ჩაჩავას სამშობიაროში გადაღებული პირველი ფოტოები ნოემ და ჯანეტმა ინსტაგრამის პირად გვერდებზე გაავრცელეს. ტელეწამყვანმა დაწერა კიდეც: "სამყარო მზადაა შეგეგებოს, პატარა მის... სულაბერიძე".

მოდელმა და ტელეწამყვანმა თავიანთი ურთიერთობის შესახებ პირველად აპრილში აცნობეს საზოგადოებას. წყვილი გაზაფხულზე დაინიშნა და მალევე გრანდიოზული ქორწილი გადაიხადა. ნოე სულაბერიძისთვის პატარა გოგონა მესამე შვილია, ჯანეტ ქერდიყოშვილისთვის კი - პირველი.