გიგი უგულავა შსს-ში მივიდა - "ბრძოლა გრძელდება, ვიდრე ამ შავ ჭირს არ მოვიშორებთ"
„ევროპული საქართველოს“ ერთ-ერთი ლიდერი გიგი უგულავა შინაგან საქმეთა სამინისტროსთან მივიდა. უგულავა შსს-ს ადმინისტრაციულ შენობასთან ქალიშვილთან, თინა უგულავასთან ერთად მივიდა, შენობაში შესვლამდე მას დაემშვიდობა და მედიასთან კომენტარი გააკეთა.
"ბრძოლა გრძელდება ვიდრე, ამ შავ ჭირს არ მოვიშორებთ და მთავარი მარტო ამ შავი ჭირის მოშორება არ არის გამოსავალი. ჩვენ უნდა დავანგრიოთ ის სისტემა, რომელიც მათ შორის იმათ ჭამს, ვინც ამ სისტემის სათავეში იყო“, - განაცხადა უგულავამ.
ოპოზიციონერმა ლიდერებმა გიგი უგულავა შინაგან საქმეთა სამინისტროს ადმინისტრაციულ შენობაში ტაშით შეაცილეს.
გარკცეული პროცედურების გავლის შემდეგ, სამართალდამცველები ოპოზიციონერ ლიდერს სასჯელაღსრულების შესაბამის დაწესებულებაში გადაიყვანენ.
ცნობისთვის, უზენაესმა სასამართლომ გიგი უგულავა ე.წ ფონდის საქმეზე თანხის გაფლანგვაში დამნაშავედ ცნო და 3 წლით და 2 თვით პატიმრობა შეუფარდა.
აღნიშნულით უზენაესმა სასამართლომ ბრალდების მხარის შუამდგომლობა დააკმაყოფილა, რომლის მიხედვითაც, სახელმწიფო ბრალდება აცხადებდა, რომ გიგი უგულავამ თბილისის განვითარების ფონდიდან თანხები გაფლანგა.
რატომ დუმს გიორგი გახარია?! - "აუხსნეს, რომ პოლიტიკაში ჩაერევა მაშინ, როცა ეტყვის ივანიშვილი"
პრემიერის პრესსამსახური: "გახარია მიუნხენში გაემგზავრა, თუმცა სიცრუეა, რომ მისი და ლავროვის შეხვედრა იგეგმება"
