ავტორი:

ვინ იყო 28 წლის ბიჭი, რომელიც გუდაურში მოკლეს

ვინ იყო 28 წლის ბიჭი, რომელიც გუდაურში მოკლეს

16 თებერვალს გუდაურში 28 წლის ბიჭი მოკლეს. მოკლული თაზო გორთამაშვილია, რომელიც სამთო კურორტზე ერთ-ერთ ბარში, ბარმენად მუშაობდა.

გამოძიების ინფორმაციით, შემთხვევა ურთიერთშელაპარაკების ნიადაგზე მოხდა. 28 წლის გორთამაშვილსა და მის 26 წლის მეგობარს, 39 წლის მამაკაცმა ცეცხლსასროლი იარაღით მიაყენა ჭრილობები და მიიმალა. გორთამაშვილი ადგილზე გარდაიცვალა, მეორე დაჭრილი კი გადაყვანილია საავადმყოფოში.

არსებული ინფორმაციით, მკვლელობაში ბრალდებული ადგილობრივი მაცხოვრებელია.

მოკლული თაზო გორთამაშვილი

გუდაურში თაზო გორთამაშვილს ბევრი იცნობდა. ის აქტიური სპორტული ცხოვრებით ცხოვრობდა და სნოუბორდზე სრიალსაც ასწავლიდა კურორტზე ჩასულ დამსვენებლებს. "ფეისბუქზე" მეგობრები იგონებენ მოკლულს:

"თაზიკ... არ მჯერა და გელოდები ისევ, საიდანღაც მოხვალ და ისევ ისე თბილად გაგვიღიმებ... მიყვარხარ ძალიან, ნათელში იყოს შენი ლამაზი სული"

"თბილი და საყვარელი, ყველას რომ უყვარდაა და ვიღაც ლაჩარმა არაკაცმა ტყვიით მოუსწრაფა სიცოცხლე" - წერენ გარდაცვლილის მეგობრები.

რაც შეეხება მკვლელობაში ბრალდებულს, 39 წლის მამაკაცი პოლიციამ უკვე დააკავა. შსს-ს ინფორმაციით, მცხეთა-მთიანეთის პოლიციის დეპარტამენტის თანამშრომლებმა 1981 წელს დაბადებული მ.კ. განზრახ მკვლელობისა (108-ე მუხლი) და დამამძიმებელ გარემოებაში განზრახ მკვლელობის მცდელობის (19-109- მუხლი) ბრალდებით, ცხელ კვალზე, გუდაურშივე დააკავეს.

მას 16-დან 20 წლამდე ან უვადო თავისუფლების აღკვეთა ემუქრება.

საირმეში საკარანტინო ზონა მოეწყო, სადაც ქუთაისის აეროპორტში ჩასული მგზავრები გადაიყვანეს

აჭარაში კორონავირუსით ინფიცირების პირველი შემთხვევა დაფიქსირდა

ოზურგეთში თვითიზოლაციის წესის დარღვევისთვის 7 პირი იძულებით კარანტინში გადაიყვანეს