ამერიკელი დიპლომატი, აგვისტოს ომის შესახებ, მისი "სკანდალური განცხადების" სწორ ვერსიას ავრცელებს

ამერიკელი დიპლომატი კურტ ვოლკერი 2008 წლის აგვისტოს ომის შესახებ მედიაში გავრცელებულ მის კომენტართან დაკავშირებით „სწორ ვერსიას“ აქვეყნებს.

„სწორი ვერსიაა: პუტინი საქართველოს თავს არ დასხმია რიტორიკის გამო. მას უნდოდა დაებლოკა საქართველოს ტრანსლატლანტიკური ინტეგრაცია. სიმართლეა: ის რიტორიკით გაბრაზდა, თუმცა რუსულ აგრესიას თავისი საკუთარი მიზეზები ჰქონდა“, - წერს ვოლკერი, რითაც მედიაში გავრცელებულ მის კომენტარს ეხმაურება.

შეგახსენებთ, მედიასაშუალებების ნაწილის ინფორმაციით, „ევროპეისკაია პრავდასთან“ მიცემულ ინტერვიუში ვოლკერი აცხადებდა, რომ „სააკაშვილის რუსეთის მიმართ რიტორიკამ 2008 წლის აგვისტოს ომამადე მიგვიყვანა“.