როგორია ინფექციურ საავადმყოფოში მოთავსებულთა ჯანმრთელობის მდგომარეობა

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციურ საავადმყოფოში მოთავსებული 13 პაციენტის პასუხი კორონავირუსზე დღეს გახდება ცნობილი.

როგორც მან ჟურნალისტებს განუცხადა, პაციენტების ზოგადი მდგომარეობა საშუალო სიმძიმისაც კი არ არის, გამოირიცხა პნევმონია, ასევე A და არც B ტიპის გრიპის ვირუსი.

„ყველას ჩაუტარდა კვლევა, ყველა მათგანთან პნევმონია გამოირიცხა. არცერთთან არ დადასტურდა არც A და არც B ტიპის გრიპის ვირუსი. ლაბორატორიული მონაცემებით, მნიშვნელოვანი ცვლილებები არ ვლინდება. ყველაფერი ამის შეჯერებით, ამ პაციენტებს ზოგადი მდგომარეობა საშუალო სიმძიმისაც კი არ არის. ლუგარის ლაბორატორის სამსახურიდან მობრძანდებიან, ცამეტივე პაციენტზე აღებულია ტესტი და როგორც იცით, დღის მეორე ნახევარში შედეგები ცნობილი იქნება”, - განაცხადა ეზუგბაიამ.