მოქალაქე, რომელმაც თვითიზოლაციის წესი დაარღვია, პოლიციის დახმარებით კარანტინში გადაიყვანეს

ბათუმში, მედიკოსებმა ​თვითიზოლაციის წესის დარღვევისთვის მოქალაქე, სამართალდამცავების დახმარებით კარანტინში გადაიყვანეს.

აღნიშნული ინფორმაცია, სოციალურ ქსელში მოქალაქეებმა გაავრცელეს, რომელიც აჭარის ჯანდაცვის სამინისტროშიც დაადასტურეს.

უწყების ცნობით, თვითიზოლაციაში მყოფ პირს, ჰქონდა თუ არა მოქალაქეებთან,კომუნიკაცია, მათთვის უცნობია.

"თვითიზოლაციის წესის დარღვევის შემთხვევაში, ჩვენ უკვე საპატრულო პოლიციასთან ერთად ვიღებთ გადაწყვეტილებას და მოქალაქეს გადავიყვანთ კარანტინში", – განაცხადა აჭარის ჯანდაცვის მინისტრის მოადგილემ ნინო ნიჟარაძემ.