ხარაგაულში, ქმრის გასვენებისთვის იტალიიდან ჩამოსული ქალი კარანტინში გადაიყვანეს

ხარაგაულის მუნიციპალიტეტში, სოფელ ხუნევში მოქალაქე, რომელმაც თვითიზოლაციის წესი დაარღვია, კარანტინში გადაიყვანეს.

ქმრის გარდაცვალების გამო, იტალიიდან რამდენიმე დღის წინ დაბრუნებული ქალის სოფლიდან გაყვანა ადგილობრივებმა მოითხოვეს. მათი თქმით, მოქალაქე, რომელიც იტალიიდან ჩამოვიდა, საფრთხეს წარმოადგენდა.

ოჯახში დაავადებათა კონტროლის სამსახურის წარმომადგენლები და სამართალამცველები მივიდნენ.

როგორც დაავადებათა კონტროლის სამსახურის წარმომადგენლები აცხადებენ, მოქალაქემ თვითიზოლაცია გაფრთხილების მიუხედავად მაინც დაარღვია, რის გამო კარანტინში გადაჰყავთ.