იტალიის ქალაქ ბარში ქართველი დედა-შვილი, სავარაუდოდ, გაზის გაჟონვის შედეგად დაიღუპა

იტალიაში, ქალაქ ბარში, საქართველოს მოქალაქე დედა-შვილი გარდაცვლილი იპოვეს. იტალიური მედიის ინფორმაციით, გარდაცვლილები არიან 41 წლის ქალი და 16 წლის ბიჭი.

ქალაქ ბარის გამოცემა La Gazzetta del Mezzogiorno წერს, რომ ცხედრები ბარის ერთ-ერთ უბანში, საცხოვრებელ სახლში იპოვეს. მიზეზი სავარაუდოდ, ბუნებრივი აირის გაჟონვა გახდა. გამოცემის ინფორმაციით, პოლიციაში სავარაუდოდ, გარდაცვლილების ახლობელმა დარეკა.

როგორც „ინტერპრესნიუსს“ საგარეო საქმეთა სამინისტროში განუცხადეს, ადგილზე მუშაობს პოლიცია. საქართველოს საკონულო სამსახური იტალიაში კომუნიკაციაშია სამართალდამცავებთან.