როგორია ამირან გამყრელიძის შვილის ჯანმრთელობის მდგომარეობა? - "ახლა ის გადის დასკვნით კვლევებს"

დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, მისი შვილის, ნიკოლოზ გამყრელიძის ჯანმრთელობის მდგომარეობა დამაკმაყოფილებელია.

როგორც გამყერილიძემ აღნიშნა, მას მკურნალობის პერიოდში სერიოზული გართულება არ ჰქონია.

"სერიოზული გართულება ჩვენ არ გვქონია ამ ხნის განმავლობაში. მას ჰქონდა გარკვეული სიმპტომები და ახლა ის გადის დასკვნით კვლევებს. იმის მიხედვით თუ როგორი იქნება ეს დასკვნითი კვლევები, გამოჩნდება რომელ ეტაპზე გადავა ის. შემიძლია გითხრათ, რომ მისი ჯანმრთელობა დამაკმაყოფილებელია“, - განაცხადა გამყრელიძემ "რუსთავი 2“-ის ეთერში.

ცნობისთვის, კორონავირუსით დაინფიცირებულებიდან ერთ-ერთი დაავადებათა კონტროლის ეროვნული ცენტრის დირექტორის, ამირან გამყრელიძის შვილი, ნიკოლოზ გამყრელიძეა.