როგორია კორონავირუსით ინფიცირებული 80 წელს გადაცილებული ქალის ჯანმრთელობის მდგომარეობა - მარინა ეზუგბაიას კომენტარი

ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, ერთ-ერთი მძიმე პაციენტის მდგომარეობა, რომელსაც პნევმონია აღენიშნებოდა დასტაბილურდა და შეიძლება ჩიათვალოს, რომ გამოჯანმრთელებისკენ მიდის.

მისივე თქმით, სტაბილურია ინფექციურ საავადმყოფოში მყოფი 80 წელს გადაცილებული ქალბატონის მდგომარეობაც.

„სიტუაცია არ გაუარესებულა, მაგრამ მისი მდგომაროების გაუმჯობესებას ჯერჯერობით არ მოველოდებით. ეს არის პრობლემური ქალბატონი ასაკისა და თანდაყოლილი დაავადების გამო და გარკვეულ პერიოდში, ნებისმიერ დროს მოსალოდნელია დაავადების პროგრესირება, მაგრამ ყველაფერი ნორმალურად მიდის და გაუარესების დინამიკა არ გვაქვს,“ - განაცხადა მარინა ეზუგბაიამ.