"შემოყვანისას უკიდურესად მძიმე იყო" - კორონავირუსით ინფიცირებულ მარნეულელ ქალს, შაქრიანი დიაბეტი და ფილტვის ქრონიკული დაავადება აქვს

ახალი კორონავირუსით ინფიცირებული მარნეულის მკვიდრი ქალის ჯანმრთელობის მდგომარეობა მეტნაკლებად სტაბილურია.

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა, ლევან რატიანმა ჟურნალისტებს განუცხადა, რომ მისი ზოგადი მდგომარეობა კრიტიკულია, რადგან აქვს შაქრიანი დიაბეტი, გულ-სისხლძარღვთა დაავადებები, ფილტვის ქრონიკული ობსტრუქციული დაავადება:

"მოგეხსენებათ, ასეთი ადამიანები მიეკუთვნებიან კლასს, რომელთაც აქვთ მაღალი გართულება და მაღალი ლეტალური გამოსავალი. შემოყვანისას პაციენტი იყო უკიდურესად მძიმე მდგომარეობაში, ამ ეტაპზე ჩატარებული მკურნალობის შედეგად, მისი ზოგადი მდგომარეობა მეტნაკლებად სტაბილურია, რადგან ვინარჩუნებთ სასიცოცხლო პარამეტრებს" - განაცხადა რატიანმა.