ავტორი:

მესტიაში ცეცხლსასროლი იარაღიდან გასროლის შედეგად 13 წლის მოზარდი გარდაიცვალა

მესტიაში ცეცხლსასროლი იარაღიდან გასროლის შედეგად 13 წლის მოზარდი გარდაიცვალა

მესტიის სოფელ ლატალში უბედურ შემთხვევას 13 წლის საბა კვანჭიანის სიცოცხლე ემსხვერპლა. მოზარდი, სავარაუდოდ, ცეცხლსასროლი იარაღიდან მიყენებული ჭრილობის შედეგად გარდაიცვალა. არსებული ინფორმაციით, მას იარაღი გაუვარდა.

მესტიის საავადმყოფოში AMBEBI.GE-ს განუცხადეს, რომ მოზარდს ნაფლეთოვანი ჭრილობა მუცლის არეში აღენიშნებოდა და ის შემოყვანისას უკვე გარდაცვლილი იყო.

"ვერ გეტყვით რით იყო მიყენებული ჭრილობა. ამას ექსპერტიზა დაადგენს. დაახლოებით სამი საათის წინ თვითდინებით შემოიყვანეს, მაგრამ ის უკვე გარდაცვლილი იყო. სახლში მიასვენებენ, ოჯახმა ექსპერტიზაზე უარი განაცხადა", - ამბობენ საავადმყოფოში.

შს სამინისტროში ამბობენ, რომ მომხდართან დაკავშირებით გამოძიება 116-ე და 236-ე მუხლებით დაიწყო. რაც სანადირო ცეცხლსასროლი იარაღის ან სპორტული ცეცხლსასროლი იარაღის, ანდა ასეთი იარაღისთვის განკუთვნილი საბრძოლო მასალის მართლსაწინააღმდეგო შეძენა ან შენახვა და გაუფრთხილებლობით სიცოცხლის მოსპობას გულისხმობს.

ესპანეთში კორონავირუსით 65 წლის ქართველი მამაკაცი გარდაიცვალა

ტელეფონზე უთხრა ახლობელს, რომ პოლონეთიდან დაბრუნებულმა, თვითიზოლაციის წესი დაარღვია - თბილისი-ზუგდიდის "მარშრუტკის" მგზავრი კარანტინში გადაიყვანეს

საირმეში საკარანტინო ზონა მოეწყო, სადაც ქუთაისის აეროპორტში ჩასული მგზავრები გადაიყვანეს