საქართველოში კორონავირუსით ინფიცირების შემთხვევები 70-მდე გაიზარდა
საქართველოში კორონავირუსით ინფიცირების შემთხვევათა რაოდენობა 70-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.
კარანტინის რეჟიმშია 4055 ადამიანი, ხოლო სტაციონარში მეთვალყურეობის ქვეშ - 252 პირი.
ინფორმაციისთვის, 70 ადამიანიდან 9 გამოჯანმრთელებულია.
თბილისის ცენტრალური ინფექციური საავადმყოფოს სამედიცინო დირექტორის მარინა ეზუგბაიას განმარტებით, 4 ახალი პაციენტიდან ერთი ინფექციურშია და მისი მდგომარეობა სტაბილურად ფასდება. მათთან მოთავსებული პაციენტი აშშ-ს კლასტერს მიეკუთვნება, დანარჩენი სამი კი - მარნეულის შემთხვევასთანაა კავშირში და სხვა კლინიკაში მოათავსეს სამკურნალოდ.
"დილის შემდეგ გაიზარდა ინფიცირებულთა დადასტურებული რაოდენობა, არის 70 პაციენტი. აქედან 1 არის ჩვენს ცენტრში დადასტურებული და 3 სხვა კლინიკაში. ჯამში ჩვენს კლინიკაში ამჟამად 33 პაციენტია. ერთმა პაციენტმა დატოვა კლინიკა, ამ ეტაპზე 9 გაწერილი პაციენტი გვყავს.
კორონავირუსით ინფიცირებული ახალი პაციენტი ამ ეტაპზე არ ფასდება როგორც პრობლემური პაციენტი მისი კვლევები გაგრძელდება და 48 საათიანი კვლევების დინამიკით შევაფასებთ შემდგომში მის პროგნოზულ მდგომარეობას“ - განაცხადა მარინა ეზუგბაიამ
LIVE: დღის მნიშვნელოვანი ამბები "საღამოს ნიუსრუმში"
რა ინფორმაციას ავრცელებს კორონავირუსით ინფიცირებულ 62 წლის მარნეულელ ქალზე "ჯეო ჰოსპიტალსი"
