ავტორი:

"სენდვიჩების ონლაინ შეკვეთაზე ვმუშაობთ" - ცნობილი წყვილი თვითიზოლაციასა და "ჩიკას" ორსულობაზე

"სენდვიჩების ონლაინ შეკვეთაზე ვმუშაობთ" - ცნობილი წყვილი თვითიზოლაციასა და "ჩიკას" ორსულობაზე

მას შემდეგ, რაც ქვეყანაში საგანგებო მდგომარეობა გამოცხადდა, მსოფლიოს უდიდესი ქვეყნები და მათ შორის პატარა საქართველოც ეპიდემიას ებრძვიან. ხალხი ცდილობს, რომ სახლიდან ნაკლებად გამოვიდნენ.

განსაკუთრებულად რთული აღმოჩნდა ეს ცნობილი სახეებისთვის, რომლებიც იმდენად იყვნენ ხმაურიანი ცხოვრების რიტმს მიჩვეულები, რომ სახლიდან რთავენ ლაივებს, მღერიან და თანამოქალაქეებს სახლში დარჩნისკენ მოუწოდებენ. ანი ჩირაძისა და კონსტანტინე თედელურის წყვილი საზოგადოებას გამორჩეულად უყვარს.

საგანგებო მდგომარეობის გამოცხადების შემდეგ "ჩემი ცოლის დაქალებისა" და "მასტერშეფის" ვარსკვლავები დროებით საქმის გარეშე დარჩნენ, რადგან შეჩერდა როგორც სერიალის გადაღება, ასევე რესტორნის ბიზნესი, რომელსაც კონსტანტინე ხელმძღვანელობს.

როგორ ცხოვრობენ იზოლირებულები და არის თუ არა ორსულად ანი, როგორც ეს ინფორმაცია სხვადასხვა საიტებით გავრცელდა, ამის შესახებ AMBEBI.GE-ს კონსტანტინე ესაუბრა:

კონსტანტინე თედელური:

- მე და ანი ორი კვირის განმავლობაში თვითიზოლაციაში ვიყავით, დავემორჩილეთ ყველანაირ კანონს და რჩევას, როგორც სახელმწიფოსგან, ასე ერისგან.

- მოგზაურობის ისტორია გქონდათ?

- არა, ისე, უბრალოდ, გადავწყვიტეთ თვითიზოლაციაში ყოფნა. ახლა ნელ-ნელა გამოვდივართ ხოლმე, მაგრამ პირბადეებით ვმოძრაობთ, ჯერ კიდევ ორი თვის წინ შევიძინეთ მრავალჯერადი პირბადეები, ამიტომ დეფიციტი არ გვაქვს, მაგრამ ხანდახან რეზინის ხელთათმანების შოვნა გვიჭირს.

- გაჩერებულია რესტორნებიც, რადგან შეზღუდულია 10-ზე მეტი ადამიანის შეკრება...

- დიახ, ასეა. სენდვიჩებზე ვმუშაობთ დახურულ რეჟიმში, მხოლოდ ონლაინ შეკვეთით.

- კონტანტინე, გუშინ გავრცელდა ინფორმაცია, რომ ანი ორსულადაა და საერთო შვილს ელოდებით?

- ანი, გაიგე, თურმე შენზე დაწერეს, რომ ორსულად ხარ? (უთხრა, გვერდით მყოფ მეუღლეს და წყვილს ამაზე მხოლოდ გაეცინათ ავტ.) არა, რა თქმა უნდა, ორსულად არ არის, ალბათ ორი კვირით სახლში რომ ჩავიკეტეთ, ეტყობა იფიქრეს, რომ ახლა ორსულია (იცინის).

"ხალხმა არასწორად გაიგო, რომ ვინც ბავშვობაშია აცრილი, მას იცავს" - რეალურად, მუშაობს თუ არა ბცჟ ვაქცინა კორონავირუსის წინააღმდეგ?

3 აპრილამდე საქართველოს უმეტეს რაიონში წვიმა და ძლიერი ქარია მოსალოდნელი

როგორია კორონავირუსით ინფიცირებულების მდგომარეობა და სად რამდენი პაციენტი მკურნალობს - ინფორმაცია საქართველოს კლინიკებიდან