მარნეულის კლასტერიდან შემოყვანილი 79 წლის ქალის მდგომარეობა კრიტიკულია - ლევან რატიანი

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის ლევან რატიანის განცხადებით, ამ ეტაპზე კლინკაში 53 პაციენტი იმყოფება, რომელთაგან ახალი კორონავირუსი 23-ს აღენიშნება.

რატიანმა კრიტიკულ მდგომარეობაში მყოფ პაციენტებზეც ისაუბრა. მისი თქმით, 63 წლის ქალის ჯანმრთელობის მდგომარეობა, რომელიც გუშინ სასუნთქი აპარატიდან მოიხსნა, სტაბილურია.

"63 წლის კრიტიკულ პაციენტი გუშინ მოიხსნა აპარატიდან მისი ზოგადი მდგომარეობა ამ ეტაპზე სტაბილურია, კონტაქტურია. 80 წლის ქალბატონის ჯანმრთელობის მდგომარეობა მკვეთრად გაუმჯობესებულია, გამარტივებულია ფილტვის ხელოვნური ვენტილაცია, ნევროლოგიური სტატუსი აღდგენილია და ეტაპობრივად შესაძლებელია რამდენიმე დღეში მოიხსნას აპარატიდან.

მესამე ქალბატონი, რომელიც არის მარნეულის კლასტერიდან შემოყვანილი 79 წლის, მისი მდგომარეობა კრიტიკულია, თუმცა სტაბილური ვიტალური პარამეტრებით, გრძელდება მონიტორინგი,“ - აღნიშნა ლევან რატიანმა.