ავტორი:

თბილისის სასწრაფო დახმარების ექიმს კორონავირუსი დაუდასტურდა - ქალი ქმრისგან დაინფიცირდა

თბილისის სასწრაფო დახმარების ექიმს კორონავირუსი დაუდასტურდა - ქალი ქმრისგან დაინფიცირდა

თბილისის სასწრაფო სამედიცინო დახმარების ექიმს კორონავირუსი დაუდასტურდა.

ამის შესახებ სამედიცინო უზრუნველყოფისა და გამოძახებათა მართვის დეპარტამენტის უფროსმა, ამირან გოგიტიძემ განაცხადა. მისი ინფორმაციით, ექიმს კორონავირუსი მეუღლისგან გადაედო, რომელიც ეროვნული ბანკის თანამშრომელია.

გოგიტიძის თქმით, აღნიშნულ ექიმს სიმპტომები 2 აპრილს გამოუვლინდა, ბოლო მორიგეობა კი 31 მარტს ჰქონდა და მისი მხრიდან თანამშრომლების ინფიცირების რისკი არ არსებობს.

ამასთან, გოგიტიძე განმარტავს, რომ ექიმი ყველა გამოძახებაზე სპეციალური ეკიპირებით გადიოდა, რაც გამორიცხავს მისი მხრიდან პაციენტების შესაძლო დაინფიცირებას.

"თბილისის სასწრაფო დახმარების ექიმს დღეს დაუდასტურდა კორონავირუსი. აღნიშნული ინფიცირება მოხდა მეუღლის მხრიდან და არ მომხდარა პაციენტის მხრიდან. აღნიშნული ინფიცირების წყარო წარმოადგენს ეროვნული ბანკის კლასტერს.

ახლანდელი მდგომარეობით, ჩვენი ექიმი გადაყვანილია შესაბამის სამედიცინო დაწესებულებაში, მისი მდგომარეობა დამაკმაყოფილებელია. აღნიშნულ ექიმს სიმპტომები დაეწყო გუშინ და მისი ბოლო მორიგეობა იყო 31 მარტს, ანუ მისი სიმპტომების გამოვლენიდან გასულია რამდენიმე დღე და დაინფიცირების რისკი მასთან მყოფი თანამშრომლების არის დაბალი, თუმცა ჩვენ მაინც პრევენციული ღონისძიებებიდან გამომდინარე მივიღეთ გადაწყვეტილება, რომ თვითიზოლაციაში გადავიდეს ყველა ის პირი, ვისაც მასთან ჰქონდა კონტაქტი. ის მორიგე სამედიცინო პერსონალი არიან თვითიზოლაციის პირობებში და საკარანტინო პირობებში გადასული", - განაცხადა გოგიტიძემ.

შეგახსენებთ, ეს კორონავირუსით მედიკოსის ინფიცირების მეორე შემთხვევაა. კიდევ ერთი ინფიცირებული ბათუმელი ექთანია.

კახეთში გოგონას ხელის სათხოვნელად მისული სასიძო და მისი მეგობრები "კო­მენ­დან­ტის სა­ა­თის" დარღვევისთვის დააჯარიმეს

LIVE: სპეცპროექტი COVID-19 - ბიძინა კულუმბეგოვი

LIVE: დღის მნიშვნელოვანი ამბები "საღამოს ნიუსრუმში"