გარდაცვლილი 86 წლის ქალის შვილები ამ დრომდე ინფექციურში მკურნალობენ - "ეს იყო ოჯახური შემთხვევა"
თბილისის ინფექციური სავადმყოფოს დირექტორის, თენგიზ ცერცვაძის ინფორმაციით, 86 წლის გარდაცვლილი ქალის ორი შვილი ამ დრომდე ინფექციურ საავადმყოფოში მკურნალობს.
როგორც ცერცვაძემ ჟურნალისტებს განუცხადა, ისინი საავადმყოფოს უახლოეს მომავალში დატოვებენ.
"გარდაცვლილი ქალი 86 წლის იყო. ეს იყო სავარაუდოდ, ყველაზე მძიმე შემთხვევა, რაც საქართველოს სინამდვილეში ეპიდემიის გაჩენიდან ყოფილა. რომელ კლასტერს მიეკუთვნებოდა, ეს რომ გითხრათ, ახლოს იქნება პერსონალური ინფორმაციის გავრცელებასთან, რადგან ყველამ იცის ეს კლასტერი.
იყო ოჯახური შემთხვევა, მისი ორი შვილი ჩვენს კლინიკაში იწვა. ისინი გამოჯანმრთელდნენ და დღე-დღეზე გაეწერებიან. ქალი დღეს, ორ საათზე გარდაიცვალა", - განაცხადა ცერცვაძემ.
ცნობისთვის, საქართველოში კორონავირუსის 195 შემთხვევაა დადასტურებული. მათგან 45 უკვე გამოჯანმრთელებულია, ხოლო 3 პაციენტია გარდაცვლილი.
კარანტინის რეჟიმშია - 4708 ადამიანი, სტაციონარში მეთვალყურეობის ქვეშ - 370 მოქალაქეა.
საქართველოში კორონავირუსით ინფიცირების შემთხვევები 208-მდე გაიზარდა
"მეცნიერთა უმრავლესობა ემხრობა აზრს, რომ კორონავირუსმა თბილ სეზონზე უკან უნდა დაიხიოს" - ამირან გამყრელიძე
