ავტორი:

"აბა, ვის ჩავეხუტო?" - ბიჭუნა, რომლის ოჯახში ყველა ექიმია და ვერავის ეხუტება, ინტერნეტვარსკვლავი გახდა

"აბა, ვის ჩავეხუტო?" - ბიჭუნა, რომლის ოჯახში ყველა ექიმია და ვერავის ეხუტება, ინტერნეტვარსკვლავი გახდა

5 წლის ლუკა სადუნიშვილი საჩხერეში ცხოვრობს. მისი ვიდეო სოციალურ ქსელში გავრცელდა და დიდი გამოხმაურება გამოიწვია. ლუკას მშობლები ექიმები არიან და საჩხერის სამედიცინო ცენტრში მუშაობენ. ვიდეო მამამ მაშინ გადაუღო, როცა კორონავირუსით შესაძლო დაინფიცირებაზე ეჭვის გამო თვითიზოლაციაში მიდიოდა. ლუკას დედა, ნინო გოგავა, გვიამბობს ლუკას ამბავს:

- ლუკას ოჯახის თითქმის ყველა წევრი ექიმია, მე ანესთეზიოლოგ - რეანიმატოლოგი ვარ, მამა, ბაბუა და მამიდა ნევროლოგები არიან, ერთი ბებო გინეკოლოგი, მეორე კი მეტყველების თერაპევტია. ხან მე ვარ მორიგე საავადმყოფოში, ხან - ჩემი მეუღლე, აქედან გამომდინარე, ჩვენს დანაკლისს ძალიან მტკივნეულად გამოხატავს ხოლმე. რაც შეეხება ტირილს, ჩემი მეუღლე მაშინ იყო საავადმყოფოში მორიგე, როდესაც ცნობილი გახდა, რომ შესაძლებელი იყო სამედიცინო პერსონალს ვირუსით ინფიცირების საფრთხე შექმნოდა. დილით გადაწყვიტა, რომ თვითიზოლაციაში წასულიყო და ბავშვმა როდესაც ჩახუტება სთხოვა და უარი მიიღო, ასეთი რეაქცია ჰქონდა.

- რა შეიცვალა კორონავირუსის შემდეგ ბავშვთან ურთიერთობის თვალსაზრისით?

- თავიდან ძალიან ვცდილობდით, რომ ლუკას ეს ყველაფერი ნაკლებად ეგრძნო და ენერვიულა, მაგრამ საზოგადოებაში გარკვეული პანიკა და შფოთვაა და მასზეც მოქმედებს. ვეღარ ეკონტაქტება თავის მეგობრებს, ვერ დადის ბაღში, არის ძირითადად სახლში და, რა თქმა უნდა, ამ ყველაფერს განიცდის, როგორც ყველა ბავშვი. ენატრება მეგობრები და თავისუფლება. წაიკითხეთ სრულად

სა­ქარ­თვე­ლო­ში კო­რო­ნა­ვირუ­სით ინ­ფი­ცი­რე­ბის შემ­თხვე­ვები 623-მდე გაიზარდა

"სოციალური დისტანცირება დიდხანს დაგვჭირდება - არა მხოლოდ ზაფხულში, შემოდგომაზეც" - ამირან გამყრელიძე

საგარეჯოში ექთანს კორონავირუსი დაუდასტურდა - მოძიებულია ყველა შესაძლო კონტაქტი