როგორ ატარებს გიორგი გახარია საკოორდინაციო საბჭოს სხდომას - ფოტოები კანცელარიიდან

პრემიერ-მინისტრის ხელმძღვანელობით საკოორდინაციო საბჭოს სხდომა ვიდეოკონფერენციის ფორმატით გაიმართა.

გიორგი გახარია კანცელარიაში მარტო იმყოფებოდა, საბჭოს წევრი მინისტრები და დეპუტატები კი ონლაინ ერთვებოდნენ სხდომას.

საბჭოზე განიხილეს საქართველოში ეპიდემიოლოგიური ვითარების განვითარების შესაბამისად, 112-ზე ზარების რაოდენობის ზრდის საკითხი, რომელთა გადამისამართება ოჯახის ან სოფლის ექიმთან ხორციელდება.

მთავრობის მეთაურმა აღნიშნა, რომ 112 დღეს COVID-19-თან ბრძოლის პირველი ხაზი გახდა, რადგან ის მოქალაქეს საშუალებას აძლევს, სიმპტომების გაჩენისთანავე მიიღოს მაღალპროფესიონალური კონსულტაცია და გაერკვეს, უნდა დარჩეს სახლში თუ მიმართოს სტაციონარს.