ლენტეხში კორონავირუსი ოჯახის 4 წევრს დაუდგინდა - "მათგან ერთ-ერთი არასრულწლოვანია"

ლენტეხში კორონავირუსის 4 ახალი შემთხვევა დაფიქსირდა. ლენტეხის მერის, ბადრი ლიპარტელიანის ინფორმაციით, კორონავირუსით დაინფიცირებული პირები ერთი ოჯახის წევრები არიან. მისივე თქმით, მათგან ერთ-ერთი არასრულწლოვანია.

როგორც ლიპარტელიანმა აღნიშნა, კორონავირუსით დაინფიცირებული პაციენტების მდგომარეობა სტაბილურია და მათ განსაკუთრებული ჩივილები არ აღენიშნებათ. მერის განცხადებით, დაინფიცირებულებს შესაბამის კლინიკებში გადაიყვანენ.

შეგახსენებთ, რომ ამ დროისთვის, საქართველოში კორონავირუსით დაინფიცირების 230 შემთხვევა ფიქსირდება, საიდანაც 54 გამოჯანმრთელებულია, ხოლო 3 გარდაცვლილი.