რესპუბლიკურში Covid-19-ით ინფიცირებულ 3 პაციენტს პნევმონია აქვს, მათი მდგომარეობა დამაკმაყოფილებელია და საყურადღებო
რესპუბლიკური საავადმყოფოს გადაუდებელი მედიცინის დეპარტამენტის უფროსის თეა თავართქილაძის ინფორმაციით, ამ დროისთვის საავადმყოფოში 61 პაციენტი იმყოფება, რომელთაგან კორონავირუსი 3 პაციენტს აქვს. 15 პაციენტი კი დღეს დატოვებს კლინიკას.
მისივე თქმით, კორონავირუსით ინფიცირებული სამივე პაციენტს პნევმონია აღენიშნება და მათი მდგომარეობა არის დამაკმაყოფილებელი. დღეს საღამოს რესპუბლიკურ საავადმყოფოში 19 ტესტის პასუხს ელოდებიან.
„ამ ეტაპზე ახალი კოვიდ დადებითი პაციენტი არ შემოსულა ჩვენთან. სამი პაციენტი აგრძელებს მკურნალობას, მათი მდგომარეობა არის დამაკმაყოფილებელი, სტაბილური საყურადღებო. სამივესთან არის პნევმონია.
გვყავს 61 პაციენტი, მათგან 15 დღეს დატოვებს კლინიკას. ისინი გადანაწილდებიან სხვადასხვა საკარანტინო ზონებში და რამდენიმე მათგანი გაეწერება ბინაზე. დღეს საღამოს ველოდებით 19 ტესტის პასუხს“, - აღნიშნა თეა თავართქილაძემ.
"წელს განგებამ სხვანაირად გამოგვიწერა" - როდის ჩამოიტანენ წმინდა ცეცხლს იერუსალიმიდან საქართველოში
გაკვირვებული ვარ, მამამთილს აღმოაჩნდა ვირუსი და გადაიყვანეს ჰოსპიტალში, დედამთილი კი იგივე სიმპტომებით, დატოვეს სახლში - ქართველი ემიგრანტი საფრანგეთიდან
