Amazon-ის დამფუძნებელი ჯეფ ბეზოსი ერთ დღეში - 6,5 მილიარდით, მისი ყოფილი მეუღლე კი 2 მლრდ დოლარით გამდიდრდა

Amazon-ის დამფუძნებელი ჯეფ ბეზოსი ერთ დღეში დაახლოებით 6,5 მლრდ დოლარით გამდიდრდა. Forbes-ის თანახმად, მისი ქონება 5%-ით - 138 მილიარდ დოლარამდე გაიზარდა.

ბეზოსის ყოფილმა მეუღლემ მაკენზი ბეზოსმა კი მსოფლიოში უმდიდრესი ქალების რეიტინგში პოზიციები კიდევ უფრო გაიმყარა და მისი ქონება 2 მლრდ დოლარით, 44,8 მლრდ-მდე გაიზარდა. ეს ყველაფერი Amazon-ის აქციებზე ფასების ზრდის შედეგად მოხდა.

სამშაბათის ვაჭრობისას აქციების ფასი 5%-ით გაიზარდა. ერთი აქციის ღირებულებამ 2 283 დოლარი შეადგინა. სპეციალისტები ასეთ დინამიკას კარანტინის პირობებში Amazon-ის მუშაობას უკავშირებენ.

კორონავირუსის ეპიდემიის გამო საცალო მაღაზიების დახურვის შედეგად, ონლაინ საცალო ვაჭრობამ საგრძნობლად გაზარდა შეკვეთების მოცულობა. უფრო მეტიც, გაზრდილი ბრუნვის გამო კომპანიამ დამატებით 200 000 თანამშრომელი დაიქირავა და საათობრივი ხელფასი 2 დოლარით გაზარდა.

Amazon-ი მსოფლიოში სიდიდით მეორე კომპანია, რომლის საბაზრო ღირებულებაა 1,14 ტრილიონ დოლარს შეადგენს. პირველ ადგილს 1,32 ტრილიონი დოლარით იკავებს Microsoft-ი.

მსოფლიოს უმდიდრესი ადამიანი მეუღლეს 2019 წელს გაშორდა. ჯეფი და მაკენზი 1993 წელს დაქორწინდნენ და ოთხი შვილი ჰყავთ. განქორწინება ისტორიაში ერთ-ერთი ყველაზე ძვირადღირებული გამოდგა - მილიარდერის მეუღლემ 69 მილიარდი დოლარი მიიღო.