"მძიმე მოწოდება მინდა გავაკეთო, მიჭირს ამის თქმა... არ წახვიდეთ ეკლესიებში, ვილოცოთ სახლებში" - ამირან გამყრელიძე

დაავადებათა კონტროლის ეროვნული ცენტრის დირექტორი ამირან გამყრელიძე მოუწოდებს ყველას, ნუ წავლენ აღდგომის დღეებში ეკლესიებში და სახლში ილოცონ.

მისი თქმით, მომდევნო ოთხი დღე ვირუსის გავრცელებასთან დაკავშირებით გადამწყვეტი იქნება.

"ძალიან მნიშვნელოვნად გადამწყვეტი იქნება მომდევნო ოთხი დღე. ეს არ გამოჩნდება მეორე და მესამე დღეს, რადგან გადადებიდან სიმპტომები მეოთხე მეხუთე დღეს ჩნდება.

ვსარგებლობ თქვენი ეთერით და მინდა მძიმე მოწოდება გავაჟღერო. მიჭირს ამის მოწოდება ჩვენი საზოგადოებისთვის, მაგრამ არ წახვიდეთ ეკლესიებში. ნუ წახვალთ ეკლესიებში, ვილოცოთ სახლებში.

ეს აღდგომა ქვეყანაში სხვა ფორმატით გადავატაროთ. ილოცებენ ჩვენი მამაოები და მღვდელმთავრები" - აღნიშნა გამყრელიძემ "რუსთავი 2"-ის ეთერში.

• VIDEO: "პირველად ვამბობ ამას, მძიმე მოწოდება მინდა გავაკეთო, მიჭირს ამის თქმა" - ამირან გამყრელიძე