ავტორი:

მეუფე იაკობი განმარტავს, რატომ არ ჩატარდა ფეხთბანვის რიტუალი

მეუფე იაკობი განმარტავს, რატომ არ ჩატარდა ფეხთბანვის რიტუალი

ტაძრებში დიდი ხუთშაბათის მსახურება შესრულდა. ყოვლადწმინდა სამების საკათედრო ტაძარში საღვთო ლიტურგია კათოლიკოს პატრიარქმა ილია მეორემ აღავლინა. მსახურების შემდეგ პატრიარქმა მრევლს ქადაგებით მიმართა.

ტრადიციულად, ამ დღეს წირვის დასრულების შემდეგ, ფეხთბანვის რიტუალი სრულდებოდა, რომლის დროსაც, კათოლიკოს-პატრიარქი მსახურებაში მონაწილე 12 სასულიერო პირს ფეხს ბანდა, თუმცა წელს წირვამ აღნიშნული რიტუალის გარეშე ჩაიარა.

როგორც ჟურნალისტებს წირვის დასრულების შემდეგ ბოდბელმა მიტროპოლიტმა მეუფე იაკობმა განუცხადა, ფეხთბანვის რიტუალი არ ჩატარდა იმის გამო, რომ "მრევლი მშვიდად იყოს".

"ისე წამოვედით, მწუხრი არ ჩატარდა, შესაბამისად, არ ჩატარდა ფეხთბანვა", - აღნიშნა მეუფე იაკობმა.

დღესვე, 16:00 საათზე ტაძრებში 12-გზის სახარებას წაიკითხავენ, რომლის დროსაც წმინდა წერილიდან 12-ჯერ წაიკითხავენ მონაკვეთებს უფალი იესო ქრისტეს ცხოვრებისა და ჯვარცმის შესახებ.

ვნების შვიდეულში დიდი ხუთშაბათი განსაკუთრებული დღეა. წმინდა სახარების მიხედვით, ამ დღეს მაცხოვარმა თავის მოწაფეებთან ერთად ბოლო პასექი და ფეხთბანვა აღასრულა. უფალმა მოწაფეები პირველად აზიარა და ამით ევქარისტიის საიდუმლო დააწესა. პასექის ჟამს მაცხოვარმა ასევე მიანიშნა, რომ მას ერთ-ერთი მოწაფე, იუდა ისკარიოტელი გასცემდა.

საქართველოში კორონავირუსით ინფიცირების შემთხვევები 800-მდე გაიზარდა

საქართველოში კორონავირუსით  კიდევ ერთი, მეცამეტე პაციენტი გარდაიცვალა

"პატარა ეპიდემიოლოგიური აფეთქება იქნება..." - ჯანდაცვის მინისტრის მოადგილე