რუსთავში, სასწრაფოთი წაყვანილ მშობიარე ქალს ქმარი ველოსიპედით დაედევნა

რუსთავში სასწრაფო დახმარების მანქანით სამშობიაროში წაყვანილ ქალს, მეუღლე ველოსიპედით დაედევნა. ამის შესახებ ადგილობრივი საინფორმაციო სააგენტო "ინფო რუსთავი" წერს. შემთხვევა 18 აპრილს მოხდა.

"ინფო რუსთავის" ინფორმაციით რუსთავში, XX მიკრორაიონში, 28 წლის ქალს მშობიარობა დაეწყო. ადგილზე გამოიძახეს სასწრაფო სამედიცინო დახმარების ეკიპაჟი. იმის გამო, რომ ქმარი ავტომობილით გადაადგილებას ვერ ახერხებდა, გადაწყვიტა სასწრაფოს ველოსიპედით გაჰყოლოდა. აღნიშნულის მიზეზი კი საგანგებო მდგომარეობის ფარგლებში გამკაცრებული წესები და ავტომობილით გადაადგილების აკრძალვა გახდა.

სასწრაფო დახმარების ეკიპაჟმა ახალგაზრდა ქალი რუსთავის სამშობიარო სახლში მიიყვანა, სადაც მას საკეისრო კვეთა გაუკეთეს. წყვილს ბიჭი შეეძინა.

წყარო: ინფო რუსთავი