"ჩვენი სულიერი დებისა და ძმების ნაცვლად, ეზოში სიმბოლურად სანთლები ენთო" - ჯვართამაღლების ტაძარში სააღდგომო ლიტურღია მრევლის გარეშე ჩატარდა
თბილისში, ჯვართამაღლების ტაძარში სააღდგომო საღმრთო ლიტურღია მრევლის გარეშე ჩატარდა. აღნიშნული გადაწყვეტილება ტაძრის წინამძღვარმა მამა თეოდორე გიგნაძემ მიიღო და მისივე თქმით, პანდემიის დასრულებამდე მსახურება ტაძარში მრევლის გარეშე ჩაივლის.
ეკლესიის "ფეისბუქის" გვერდზე გამოქვეყნებულ ვიდეოში სააღდგომო ლიტურგია ჩანს, რომელსაც მხოლოდ სასულიერო პირები ესწრებოდნენ, მრევლის სახელზე კი ეზოში სანთლები აანთეს:
"19 აპრილს, ჯვართამაღლების ტაძარში სააღდგომო საღმრთო ლიტურღია ტაძრის მღვდელმსახურებთან ერთად აღავლინა წინამძღვარმა, დეკანოზმა თეოდორე გიგნაძემ.
წლევანდელ აღდგომას მაქსიმალურად იყო უზრუნველყოფილი ეპიდემიის აფეთქების მოსალოდნელი საფრთხის გამო გამკაცრებული სახელმწიფო რეგულაციები;
ეზოში ჩვენი სულიერი დებისა და ძმების ნაცვლად სიმბოლურად სანთლები ენთო... სწორედ იმ ადგილებზე, რომლებზეც მთელი უკანასკნელი პერიოდის განმავლობაში თიოთოეული ჩვენგანი იდგა.
დიდი მონატრებით ველოდებით უთქვენობის უკიდეგანო დანაკლისის შევსებას და ფიზიკურადაც ერთად, ძალიან მალე, ჩვენი უფლის სრულფასოვნად დიდებას. ქრისტე აღდგა!" - ნათქვამია ეკლესიის მიერ გამოქვეყნებულ მიმართვაში.
როგორია COVID-19-ის მკურნალობის რეალური პროტოკოლი საქართველოში - თენგიზ ცერცვაძე ზურაბ გურულის ბრალდებებს პასუხობს
საქართველოს საზღვრიდან 8 კილომეტრში მიწისძვრა მოხდა
