რა ხდებოდა შარშან მიცვალებულთა დღეს თბილისის სასაფლაოებზე და რა ხდება ახლა - ფოტოები

საქართველოს მართლმადიდებელი ეკლესია დღეს, ბრწყინვალე შვიდეულის ორშაბათს საფლავთა კურთხევას აღნიშნავს. ამ დღეს ტრადიციულად ყოველ წელიწადს ქართველები საფლავებზე გასვლით და ბევრი ხალხმრავალი ღრეობითაც კი აღნიშნავდა, თუმცა წელს პანდემიის გამო ქვეყანაში დაწესებული შეზღუდვების პირობებში სასაფლაოებზე გასვლა აკრძალულია ხალხმრავლობის თავიდან ასაცილებლად.

დღეს დილიდან თბილისის და რეგიონების სასაფლაოები სამართალდამცავების მიერ მკაცრად კონტროლდება. "ინტერპრესნიუსის" გადამღებმა ჯგუფმა რამდენიმე მუნიციპალური და კერძო სასაფლაოს ტერიტორიაზე არსებული სიტუაცია გადაიღო.

ეს კადრები "ინტერპრესნიუსის" ფოტოკორესპონდენტმა გიორგი ნიკოლიშვილმა დღეს ვაკისა და საბურთალოს სასაფლაოებზე გადაიღო:

ეს კადრები კი 2019 წელს, აღდგომის მეორე დღესაა გადაღებული. მაშინაც სასაფლაოებთან მისასვლელ გზებზე არსებულ სიტუაციას საპატრულო პოლიციის თანამშრომლები აკონტროლებდნენ, თუმცა მაშინ საცობების განტვირთვის მიზნით.

საბურთალოს სასაფლაოს მიმდებარე ტერიტორია, 2019 წელი

კუკიის სასაფლაოს მიმდებარე ტერიტორია, 2019 წელი

მუხათგვერდის სასაფლაოს მიმდებარე ტერიტორია, 2019 წელი