ნოდარ მელაძემ "მთავარი არხი" დატოვა - "ბევრი წარმატება, იმ მაგარ გუნდს რომელიც რჩება ამ არხზე"
"მთავარი არხის" საინფორმაციო სამსახურის უფროსმა ნოდარ მელაძემ ტელეკომპანია დატოვა და ამის შესახებ "ფეისბუქის" პირად გვერდზე დაწერა.
"ბევრი წარმატება, იმ მაგარ გუნდს რომელიც რჩება ამ არხზე" - წერს მელაძე არხთან გამოსამშვიდობებელ პოსტში.
მის მიერ ტელეკომპანიის დატოვების შესახებ ინფორმაცია, ჯერ კიდევ წინა კვირაში გავრცელდა, თუმცა არც ერთი მხარე არ ადასტურებდა ამას. არსებული ინფორმაციით, მელაძემ "მთავარი არხის" დატოვების გადაწყვეტილება ნიკა გვარამიასთან არსებული უთანხმოების გამო მიიღო.
კიდევ ერთი ინფორმაციით, ნოდარ მელაძეს მალე "ტვ პირველზე" ვიხილავთ, სადაც მისი მეგობრები და კოლეგები მუშაობენ, მათ შორის ინგა გრიგოლია, რომელიც ტელეკომპანიის დირექტორია.
ნოდარ მელაძე "მთავარი არხის" დაარსებაში ერთ-ერთი მთავარი მოქმედი პირი იყო, თუმცა არხის დაფუძნებიდან 6 თვეში ტელეკომპანია დატოვა. "მთავარამდე" ის 6 წლის განმავლობაში მუშაობდა "რუსთავი 2"-ზე, სადაც წამყვანი და საინფორმაციო სამსახურის უფროსი იყო.
შორენა ბეგაშვილის ქალიშვილს დაბადების დღეზე ძვირადღირებული ავტომობილი აჩუქეს (ფოტო)
"ერთი წელია ჩემთვის ყველაფერი სულერთია, რა სინდისით გძინავთ მშვიდად?!" - ექსკურსიაზე გარდაცვლილი გოგონას დედა პროკურატურის გადაწყვეტილებაზე
