ავტორი:

"უნდა შევაკავოთ ეპიდემია, რისი პირველი ნიშნებიც უკვე გამოჩნდა... ახალი შემთხვევების ზრდა აღარ შეინიშნება" - ცერცვაძე

"უნდა შევაკავოთ ეპიდემია, რისი პირველი ნიშნებიც უკვე გამოჩნდა... ახალი შემთხვევების ზრდა აღარ შეინიშნება" - ცერცვაძე

კორონავირუსით ინფიცირებულების რაოდენობამ შეიძლება იკლოს კიდეც, მაგრამ ჩვენ უსასრულოდ ვერ გავაგრძელებთ მკაცრ შეზღუდვებს, საგანგებო მდგომარეობასა და საკარნტინო მოთხოვნებს - ამის შესახებ თბილისის ინფექციური საავადმყოფოს დირექტორმა თენგიზ ცერცვაძემ ჟურნალისტებს გორის სამხედრო ჰოსპიტალში განუცხადა.

მისი თქმით, ნაკლებია იმის მოლოდინი, რომ უახლოეს პერიოდში კორონავირუსი სულ გაქრება და საქართველოში არცერთი ინფიცირებული არ იქნება და სწორედ ამიტომ ქვეყანამ უნდა შეძლოს, რომ ვირუსის გავრცელების მასშტაბი დაბალი იყოს.

"ჩვენ უნდა შევაკავოთ ეპიდემია, რისი პირველი ნიშნებიც უკვე გამოჩნდა. ახალი შემთხვევების ზრდა აღარ შეინიშნება, რაც ძალიან მნიშვნელოვანია, რადგან ევროპისა და ჩრდილოეთ ამერიკის ქვეყნებში ყოველდღე გესმით, რომ ათასობით ახალი ავადმყოფია და ასეულობით გარდაცვლილი, ამას ყოველდღე ხედავთ.

საბედნიეროდ, ჩვენთან ინფიცირებულების რაოდენობამ მოიკლო და სულ 5 გარდაცვლილია, გარდაცვლილების ერთ-ერთი ყველაზე დაბალი მაჩვენებელი. ჩვენ უნდა შევაკავოთ ინფექცია, როგორმე ამ დონეზე უნდა შევინარჩუნოთ.

შეიძლება იკლოს კიდეც კორონავირუსით ინფიცირებულების რაოდენობამ, მაგრამ ჩვენ უსასრულოდ ვერ გავაგრძელებთ ამ მკაცრ შეზღუდვებს, საგანგებო მდგომარეობასა და იმ საკარნტინო მოთხოვნებს, რომელიც მოქმედებს. ამიტომ, ჩვენ უნდა მოვამზადოთ პლაცდარმი იმისთვის, რომ ინფიცირებულების რაც შეიძლება მცირე რაოდენობა გვყავდეს.

ვინაიდან ნაკლებია იმის მოლოდინი, რომ სულ გაქრება უახლოეს დროში ეს ინფექცია და საქართველოში არცერთი ინფიცირებული არ გვეყოლება, ჩვენ თქვენთან, ჯანდაცვის სამინისტროსთან, ექიმებთან, ეპიდემიოლოგებთან ერთად, იმას უნდა მივაღწიოთ, რომ საქართველოში ინფიცირებულების ყოველდღიური რაოდენობა დაბალ ნიშნულზე იყოს“,-განაცხადა ცერცვაძემ.

მთავრობა განმარტავს, ვისთვის იქნება დასაშვები 27 და 28 აპრილს თბილისში, რუსთავში, ბათუმში და ქუთაისში შესვლა-გასვლა

"არ ვთვლით საჭიროდ, რეაგირება მოვახდინოთ პოლიტიკური სახის განცხადებებზე" - დაავადებათა კონტროლის ეროვნული ცენტრის განცხადება

მიმდინარე წლის პირველ კვარტალში ავარიას 134 ადამიანი ემსხვერპლა, ხოლო 1610 პირი დაშავდა