"ქალბატონი რომელსაც აქვს დიაბეტი, არ აქვს ქვედა კიდურები, არ აქვს ყურის ნიჟარა, არ აქვს მარცხენა ხელი COVID-19-ისგან გამოჯანმრთელდა" - რატიანი

"ქალბატონი რომელსაც აქვს დიაბეტი ყველა გართულებით, არ აქვს ორივე ქვედა კიდური, არ აქვს ყურის ნიჟარა, არ აქვს მარცხენა ხელი, კორონავირუსისგან გამოჯანმრთელდა " - ამის შესახებ პირველი საუნივერსიტეტო კლინიკის დირექტორმა ლევან რატიანმა განაცხადა.

მან პაციენტების მდგომარეობაზე ისაუბრა და აღნიშნა, რომ კლინიკაში მყოფი 83 პაციენტიდან რეანიმაციაში 8 პაციენტია მოთავსებული.

"როგორც იცით, ყველაზე მძიმე პაციენტები, რომლებიც ქვეყნის მასშტაბით იყო, ყველა ჩვენთან ხვდებოდა. საბედნიეროდ ეს არ იყო დიდი ციფრი. სულ 20-მა რიცხვმა გაიარა რეანიმაციული განყოფილება და მინდა გითხრათ, რომ წარმატებით გავიარეთ ეს ეტაპი. დღეს ძალიან ბედნიერები ვიყავით, რომ ქალბატონი რომელსაც აქვს დიაბეტი ყველა გართულებით, არ აქვს ორივე ქვედა კიდური, არ აქვს ყურის ნიჟარა, არ აქვს მარცხენა ხელი, კორონავირუსისგან გამოჯანმრთელდა", - განაცხადა ლევან რატიანმა "ტვ პირველის" ეთერში.