თსუ-ს ლექტორი, მწერალი ინგა მილორავა სიცოცხლისთვის იბრძვის - "განვითარდა სეფსისი... რეანიმაციაშია"
თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ქართული ფილოლოგიის ლექტორი, ფილოლოგიის მეცნიერებათა დოქტორი, მწერალი და მხატვარი ინგა მილორავა კრიტიკულ მდგომარეობაშია და მას საზოგადოების დახმარება სჭირდება.
მილორავას მდგომარეობა დამძიმდა ოპერაციის შემდეგ, განვითარდა სეფსისი და ის ახლა რეანიმაციულ განყოფილებაში სიცოცხლისთვის იბრძვის.
მის დასახმარებლად "ფეისბუქზე" სპეციალური გვერდიც შეიქმნა, რომელიც მწერლის გადასარჩენად თანხას აგროვებს. საყვარელი ლექტორის დასახმარებლად გაერთიანდნენ უნივერსიტეტის სტუდენტები, მილორავას კოლეგები და მეგობრები, თუმცა მკურნალობისთვის სოლიდური თანხაა საჭირო და მისი დახმარება საზოგადოების ყველა წევრს სულ მცირედითაც შეუძლია:
"ერთიანი ძალებით შევძლებთ დავეხმაროთ მას, სულ მცირედით მაინც! თანხა მოხმარდება მის მკურნალობას.
გთხოვთ, ინგა მილორავასთვის გადმორიცხოთ თანხა შემდეგ ანგარიშზე:
თიბისი ბანკი:
GE35TB7166645061600009
მიმღები: თამარ შარაბიძე
დანიშნულებაში მიუთითეთ: ინგა მილორავასთვის" - ვკითხულობთ საქველმოქმედო ჯგუფის მიერ გავრცელებულ განცხადებაში.
1994 წელს მილორავამ გამოსცა მონოგრაფია ნიკო ლორთქიფანიძეზე. არის კიდევ რამდენიმე წიგნის ავტორი - ლიტერატურული წერილების, მოთხრობების, ზღაპრების, ერთი რომანისა და ლექსების. მუშაობს ახალი და უახლესი ლიტერატურის საკითხებსა და პრობლემებზე. ლიტერატურის გარდა, მისი გატაცებაა მხატვრობა და არაჩვეულებრივ ნამუშევრებს ქმნის.
დაათვალიერეთ ინგა მილორავას ნახატები:
როგორი ამინდი იქნება საქართველოში ზაფხულში - სინოპტიკოსები ნორმაზე 2 გრადუსით მაღალ ტემპერატურას ელოდებიან
"მეკოს დიაგნოზი არის სარკომა... მის დედასაც სიმსივნე აქვს" - ახალგაზრდა გოგონას ოპერაციისთვის 150 000 დოლარი უნდა შეგროვდეს
