ინფიცირების 34 ახალი შემთხვევა, რაც ყველაზე მაღალი მაჩვენებელია ბოლო 1 თვეში - რა ვითარებაა სამხრეთ კორეაში, სადაც უახლოეს მომავალში შეზღუდვები სრულად მოიხსნება
სამხრეთ კორეაში კორონავირუსის 34 ახალი შემთხვევა დაფიქსირდა, - ამის შესახებ ინფორმაციას ქვეყნის დაავადებათა კონტროლისა და პრევენციის ცენტრი ავრცელებს.
მათივე ინფორმაციით, სამხრეთ კორეაში 9 აპრილის შემდეგ ერთ დღე-ღამეში შემთხვევების მსგავსი ტემპით მატება არ დაფიქსირებულა.
დაავადებათა კონტროლისა და პრევენციის ცენტრი აცხადებს, რომ 34 ახალი შემთხვევიდან 26 შიდა გადაცემის ფაქტია, 8 კი - იმპორტირებული შემთხვევაა.
აღსანიშნავია, რომ ბოლო 10 დღის განმავლობაში სამხრეთ კორეაში კორონავირუსის შემთხვევები უმნიშვნელოდ მატულობდა, ზოგიერთ დღეებში კი საერთოდ აღარ ფიქსირდებოდა.
ცნობისათვის, სამხრეთ კორეაში კორონავირუსთან დაკავშირებით დაწესებული გარკვეული შეზღუდვები მოიხსნა. უახლოეს მომავალში კი ხელისუფლება სკოლებისა და ეკონომიკის სრულ გახსნას გეგმავს.
ბოლო მონაცემებით, სამხრეთ კორეაში კორონავირუსის 10 874 შემთხვევაა დადასტურებული, დაღუპულია 256 ადამიანი.
"გლობალურ კრიზისზე აშშ-ის მთავრობის პასუხი აბსოლუტური კატასტროფა იყო" - აშშ-ში ბოლო 24 საათში კორონავირუსით 1 615 ადამიანი გარდაიცვალა
მოსკოვის საავადმყოფოში, სადაც კორონავირუსით ინფიცირებულებს მკურნალობდნენ, ხანძარი გაჩნდა - არის მსხვერპლი
