კორონავირუსის 3 ახალი შემთხვევა ზუგდიდში - COVID-19 ინფიცირებული მამაკაცის მცირეწლოვან შვილებსა და დედას დაუფიქსირდათ

ზუგდიდში კორონავირუსით ინფიცირებული მამაკაცის ოჯახის სამ წევრს „კოვიდ 19“ დაუდასტურდა.

ამის შესახებ „ინტერპრესნიუსს“ ზუგდიდის ინფექციურ საავადმყოფოში განუცხადეს. მათი ინფორმაციით, ინფექცია ინფიცირებული მამაკაცის დედას და ორ მცირეწლოვან შვილს გამოუვლინდა.

„როგორც კი ამ მამაკაცს ინფექცია დაუდასტურდა, ამის შემდეგ ოჯახის წევრები გადაყვანილი იყვნენ საკარანტინე ზონაში და თავისთავად პარალელურად ჩაუტარდათ ტესტირება. კონტაქტები მოძიებულია და ამ დროისთვის გრძელდება კვლევები“, - აცხადებენ საავადმყოფოში.

მათივე ცნობით, კორონავირუსით ინფიცირებული მამაკაცი თბილისის ინფექციურ საავადმყოფოში გადმოჰყავთ.