ჩოხატაურის საზოგადოებრივ ცენტრში აფეთქება მოხდა

ჩოხატაურის მუნიციპალიტეტის სოფელ კოხნარში, სავარაუდოდ აფეთქების შედეგად საზოგადოებრივი ცენტრის შენობა დაზიანდა. დაზიანებულია შენობაში არსებული ბანკომატი.

თვითმხილველების თქმით, შენობაში ჩამსხვრეულია მინები. შემთხვევა გვიან ღამით მოხდა.

მომხდარ ფაქტზე, საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 187-ე მუხლით დაიწყო, რაც ნივთის დაზიანებას ან განადგურებას გულისხმობს.